У Віцебску інваліды-калясачнікі дапамогуць выявіць аўтааматараў, якія ўшчамляюць іх правы на паркоўках

11 жніўня, Віцебск /Вольга Багачова - БЕЛТА/. Віцебскія інваліды-калясачнікі дапамогуць выявіць аўтааматараў, якія ўшчамляюць іх правы на паркоўках горада, паведамілі карэспандэнту БЕЛТА ў аддзяленні агітацыі і прапаганды ДАІ УУС Віцебскага аблвыканкама.

12 жніўня інваліды-калясачнікі абласнога цэнтра разам з супрацоўнікамі ДАІ правядуць дзяжурства каля гандлёвага цэнтра "Эвіком" з мэтай выяўлення кіроўцаў, якія ігнаруюць знакі паркоўкі. Усе парушальнікі будуць прыцягнуты да адміністрацыйнай адказнасці. Мерапрыемства адбудзецца падчас рэспубліканскай грамадскай кампаніі "Вольная паркоўка", якая стартавала 9 жніўня.

Рэйды супрацоўнікаў Дзяржаўтаінспекцыі Віцебска ў першыя дні акцыі, праведзеныя каля буйных гандлёвых цэнтраў, паказалі актуальнасць гэтай праблемы: парушэнні былі выяўлены каля кожнага з гандлёвых аб'ектаў. У ходзе прафілактычных гутарак кіроўцы, якія пакінулі транспарт у неадведзеным месцы, прызналіся, што не задумваліся аб наступствах сваіх дзеянняў і складанасцях, якія дастаўляюцца людзям з абмежаванымі магчымасцямі, адзначылі ў ДАІ, заклікаўшы аўтааматараў выконваць правілы і знакі дарожнага руху.

Кампанія "Вольная паркоўка" пройдзе да 15 жніўня. У Віцебскай вобласці прафілактычныя рэйды па выяўленні парушальнікаў будуць арганізаваны не толькі ў абласным цэнтры, але і іншых буйных гарадах рэгіёна.-0-