У Віцебску мужчыну, які здзейсніў замах на згвалтаванне дзіцяці, асудзілі на 9 з паловай гадоў пазбаўлення волі
У Віцебску мужчына, які здзейсніў замах на згвалтаванне непаўналетняй дзяўчынкі, асуджаны на 9 гадоў і 6 месяцаў пазбаўлення волі, паведаміў карэспандэнту БЕЛТА намеснік пракурора горада Віцебска Дзмітрый Арэх.
Замах на згвалтаванне адбыўся ў верасні 2014 года. Фігурант крымінальнай справы (1965 года нараджэння) жыў у склепе на вуліцы Гагарына і займаўся тым, што збіраў і здаваў металалом, бутэлькі і іншую другасную сыравіну. У двары бамж заўважыў дзяўчынку (2008 года нараджэння), адвёў дзіця на адлегласць ад дома і зрабіў спробу згвалтавання. Вярнуўшыся дадому, дзяўчынка расказала пра здарэнне, і абвінавачаны быў затрыманы праваахоўнікамі.
У ходзе следства мужчына цалкам прызнаў сваю віну. За замах на згвалтаванне (ч.1 арт.14 і ч.3 арт.166 КК Беларусі) абвінавачанаму прызначылі 9 з паловай гадоў пазбаўлення волі з адбыццём пакарання ў папраўчай калоніі ўзмоцненага рэжыму. Прысуд уступіў у законную сілу.
Каментуючы абставіны крымінальнай справы, Дзмітрый Арэх падкрэсліў, што прычынай спробы здзяйснення злачынства стаў у тым ліку неналежны кантроль з боку бацькоў - дзіця знаходзілася на вуліцы без кантролю і спакойна пайшло з незнаёмым чалавекам.
Алена Ціханава