У Віцебску на нерэгуляваным пераходзе ўсталявалі паўметровыя сілуэты пешаходаў
На нерэгулюемым пераходзе ў Віцебску
ўсталявалі паўметровыя святлоадбівальныя сілуэты пешаходаў, паведаміў начальнік
аддзялення арганізацыі дарожнага руху ДАІ УУС Віцебскага аблвыканкама Віктар
Касянкоў.
Першыя фігуры ў выглядзе пешаходаў з'явіліся на
нерэгулюемым пераходзе па вул. Чкалава ў раёне дома №23. Месца для эксперыменту
выбрана не выпадкова. "На гэтым участку дарогі інтэнсіўны рух пешаходаў, асабліва
ў навучальны час – тут размешчаны дзве гімназіі і школа. Пешаходны пераход
нерэгулюемы, і каб прыцягнуць больш увагі кіроўцаў, рэалізавалі такое тэхнічнае
рашэнне. Фігура мае акантоўку з жоўтай плёнкі з павышанай святлоадбівальнасцю",
– распавёў Віктар Касянкоў.
Пасля пэўнага часу будуць падведзены вынікі працы наваўвядзення. Зыходзячы з іх, спецыялісты вырашаць, ці працягнуць устаноўку падобных фігур і ў якіх месцах горада.