У Віцебску на святочным канцэрце да Дня жанчын шасці жыхаркам вобласці ўручаны ордэны Маці
Гэта ветурач Ліліяна Астаф'ева, якая атрымала размеркаванне на агракомплекс «Янавічы» Віцебскай бройлернай птушкафабрыкі, супрацоўніца ТАА «Вітбытсэрвіс» Юлія Белевіч, дамачадка Вольга Герасімовіч, медсястра паліклінікі ў Рубе Кацярына Магучая, выхавальніца ясляў-сада №88 Віцебска Любоў Чувіліна і памочнік выхавальніка Машканаўскага дзіцячага садка – сярэдняй школы імя А. Гараўца Сенненскага раёна Марына Дзергілева. Усяго прэзідэнцкім Указам №46 ад 10 лютага дзяржаўнай узнагароды за нараджэнне і выхаванне пяцёра і больш дзяцей удастоена больш за 20 жыхарак вобласці.
Жанчыны, якія выходзілі на святочную сцэну, рэалізуюць сябе ў самых розных напрамках і прафесіях, маюць розныя дасягненні і захапленні. Аб'ядноўвае іх адно: усе яны – шматдзетныя мамы.
Сімволічна, што віншаванні ад першых асоб вобласці яны атрымалі менавіта напярэдадні 8 Сакавіка – галоўнага свята вясны і жаноцкасці. Бо менавіта ад матчынай любові квітнеюць лепшыя кветкі жыцця – дзеці.