У Віцебску каля 40% заяўнікаў вызвалены ад выплаты збору па дэкрэце №3
Віцебскі гарадскі Савет дэпутатаў дэлегаваў выканкаму права на вызваленне грамадзян ад выплаты збору. Гэтай працай займаецца гарадская камісія па разглядзе заяў юрыдычных і фізічных асоб, індывідуальных прадпрымальнікаў аб прадастаўленні падатковых ільгот і дзяржпадтрымкі. У яе склад уваходзяць прадстаўнікі падатковай службы, дэпутацкага корпуса, юрыдычнага і фінансавага аддзелаў, упраўлення па працы, занятасці і сацыяльнай абароне на чале з намеснікам старшыні гарвыканкама Зінаідай Каралёвай.
"За гэты час паступіла 306 заяў, 103 ужо разгледжаны. З іх практычна ў 60% выпадкаў людзям адмоўлена з-за адсутнасці падстаў і дакументаў, якія пацвярджаюць цяжкую жыццёвую сітуацыю. Астатнія атрымалі станоўчае рашэнне: камісія рэкамендавала вызваліць у той ці іншай меры гэтых грамадзян ад выплаты збору па фінансаванні дзяржаўных выдаткаў за 2015 год. Камісія пасядае па меры неабходнасці: паколькі часу застаецца няшмат, стараемся рабіць так, каб усе заявы былі разгледжаны ва ўстаноўлены тэрмін - да 19 лютага ўключна", - адзначыла Зінаіда Каралёва.
Яна растлумачыла, што кожны выпадак разглядаецца з індывідуальным падыходам. Важны крытэр для вызвалення ад выплаты збору - пацвярджэнне таго, што грамадзянін у 2015 годзе аб'ектыўна не мог працаваць. Прычыны такога становішча розныя: медыцынскія паказанні ў дзіцяці (з абавязковай наяўнасцю пацвярджальнага дакумента з медустановы), маці якога вымушана знаходзіцца пры ім, а бацька не мае магчымасці яе замяніць з-за занятасці; захворванне самога заяўніка.
"Улічваем моманты вучобы, службы ў шэрагах Узброеных Сіл, іншыя нюансы, звязаныя, напрыклад, з пераездам для догляду за састарэлымі бацькамі. Натуральна, чалавек у такой сітуацыі не
Напрыклад, 22-гадовы хлопец пасля заканчэння каледжа ў чэрвені 2015 года самастойна шукаў працу каля года. Цяпер ён працаўладкаваны і выдатна зарабляе, як і абодва бацькі, з якімі разам пражывае. Паколькі малады чалавек у службу занятасці не звяртаўся, і няма дакументаў, якія пацвярджаюць яго пошукі працы, часовую занятасць да канца 2015 года, у вызваленні ад выплаты збору яму адмоўлена.
У іншым выпадку 45-гадоваму мужчыну камісія пайшла насустрач з-за яго траіх дзяцей, на якіх ён выплачвае аліменты. У ліпені 2013 года мужчына звольніўся, у 2015-м зарэгістраваўся беспрацоўным, але быў зняты з уліку за неяўку на працягу двух месяцаў, потым зноў пастаўлены на ўлік і, нарэшце, працаўладкаваны па накіраванні цэнтра занятасці. Па сутнасці, ён парушыў заканадаўства аб працы і не павінен быць вызвалены ад выплаты, але з улікам таго, што пасля выплаты аліментаў і даўгоў у яго амаль не застаецца сродкаў да існавання, камісія вырашыла вызваліць яго ад збору на 70%.
З першых сямі заяўнікаў тры апынуліся маладымі мамамі, якія не працавалі да нараджэння дзіцяці. Адна была звольнена пры ліквідацыі прадпрыемства, потым лячылася. Другая толькі скончыла ўніверсітэт у 2015 годзе і доўга сама шукала працу, з красавіка 2016 года стала на ўлік у службу занятасці, але потым нарадзіла, муж жыве асобна, удзелу ў лёсе дзіцяці не прымае. Трэцяя ў верасні 2015 года стала мамай ужо другога дзіцяці (першы вучыцца ў 4-м класе), звольніўшыся ў 2013 годзе, так і не змагла знайсці працу. У падобных сітуацыях, як адзначыла Зінаіда Каралёва, камісія падтрымлівае матак і вызваляе іх ад выплаты збору.
Кацярына Князева - БЕЛТА.