У Віцебску вызначаны найлепшыя сандружыны
Гісторыя правядзення спаборніцтваў пачынаецца ў 60-х гадах мінулага стагоддзя, у горадзе Віцебску іх правядзенне аднавілася з 2008 года.
Спаборніцтвы дазволілі прааналізаваць узровень гатоўнасці да ліквідацыі наступстваў надзвычайных сітуацый, намеціць шляхі павышэння такой гатоўнасці, падкрэсліць значнасць мерапрыемстваў грамадзянскай абароны, накіраваных на абарону чалавека.
Для абмену вопытам у спаборніцтвах удзельнічалі найбольш падрыхтаваныя санітарныя дружыны прамысловых аб'ектаў, навучальных устаноў горада.
Спаборніцтвы праходзілі ў чатыры этапы. Каманды прадэманстравалі сваю гатоўнасць пры рабоце ў ачагу хімічнага і камбінаванага паражэння, а таксама ў ачагу інфекцыйнага захворвання. Не засталася неацэненай і праверка табельнага абсталявання і ўмення персаналу санітарных дружын карыстацца прадметамі табельнага маёмасці. Выяўленне хворых і прыняцце мер для іх часовай ізаляцыі, адборы проб вады, паветра, глебы і харчовых прадуктаў, прыгатаванне дэзінфікуючых раствораў, абеззаражанне рэчаў у дэзінфекцыйнай камеры – гэтыя мерапрыемствы на высокім узроўні правялі ўсе без выключэння каманды.
Ва ўпартай барацьбе перамогу атрымала каманда УП «Віцебскводаканал», другое месца заняла каманда ААТ «Даламіт», трэцяе месца – каманда ААТ «Малако» г.Віцебска. Далей месцы размеркаваліся наступным чынам: ААТ «ВЗЭП», УА «ВГАВМ», Віцебская дыстанцыя пуці, ААТ «Віцебскі мясакамбінат», УА «ВГПУ» ім. П.М.Машэрава.
Хочацца пажадаць камандзе УП «Віцебскводаканал» годна выступіць на абласных спаборніцтвах санітарных дружын.