У Віцебску асуджана група аўтамахляроў

У Віцебску асуджана група аўтамахляроў, паведаміла карэспандэнту БЕЛТА афіцыйны прадстаўнік упраўлення СК РБ па Віцебскай вобласці Іна Гарбачова. Двое віцяблянаў шукалі ў абласным цэнтры аўтамабілі для пакупкі, дамаўляліся з іх уладальнікамі аб аплаце ў растэрміноўку, прадастаўляючы ў пацвярджэнне гэтага распіску, заключалі дагавор аб продажы аўтамабіля, а затым знікалі. Пры гэтым "пакупнікі" паведамлялі прадаўцам аб пераносе выплат па шэрагу сур'ёзных абставінаў, паступова ігнаруючы іх званкі. Такім чынам махлярам удалося падмануць каля 20 чалавек.

Атрыманыя аўтамабілі яны на працягу найбліжэйшых некалькіх дзён пасля "пакупкі" рэалізоўвалі па больш нізкай цане, усё больш павялічваючы суму даўгавых абавязацельстваў, выконваць якія першапачаткова не збіраліся. Суд Першамайскага раёна горада Віцебска прызнаў галоўнага фігуранта справы 1992 года нараджэння вінаватым у завалоданні маёмасцю шляхам падману (махлярства), учыненым групай асоб, у асабліва буйным памеры і на падставе ч.4 арт.209 КК Рэспублікі Беларусь прызначыў пакаранне ў выглядзе пазбаўлення волі на тэрмін 6 гадоў і 6 месяцаў з адбываннем пакарання ў папраўчай калоніі ва ўмовах узмоцненага рэжыму з канфіскацыяй маёмасці. Ягоны паплечнік таго ж узросту атрымаў 5 гадоў і 6 месяцаў пазбаўлення волі.