У Віцебску падвялі вынікі працоўнай занятасці моладзі паўночнага рэгіёну «Працоўны семестр – 2020»
Намеснік старшыні аблвыканкама Уладзімір Пянін адзначыў, што студэнцкія атрады – школа жыцця, якая спрыяе зносінам і даўняму сяброўству.
– Сёлета працавала 236 атрадаў, у іх удзельнічала больш за 4,5 тыс. студэнтаў, – сказаў Уладзімір Пятровіч. – Ёсць калектывы, якія добра зарэкамендавалі сябе, напрыклад, «Эўрыка», «Рытм», «Зодчыя». У студатрадзе можна цалкам рэалізаваць свой патэнцыял у любых сферах дзейнасці: вытворчасці, сельскай гаспадарцы, педагогіцы. Замест таго, каб хадзіць па вуліцах, патрабаваць пераменаў, трэба працаваць над сабой і самарэалізацыяй. Ваша маладосць, крэатыўнасць сёння самае галоўнае. У вас усё яшчэ наперадзе. Прыемна, што вы апроч таго, што вучыцеся і працуеце, заўсёды на годным узроўні прадстаўляеце Віцебскую вобласць. Персанальна дзякую валанцёраў, якія ў няпросты час дапамагалі Чырвонаму Крыжу, медыцынскім работнікам, сацыяльнай службе, і віншую з заслужанымі ўзнагародамі. Жадаю здароўя, рэалізацыі сваіх планаў, дабрабыту, поспехаў.
Працоўны семестр – гэта трэнд, які аб'яднаў сотні юнакоў і дзяўчат Віцебшчыны. Наша моладзь удзельнічала ва Усебеларускай маладзёжнай будоўлі «Горад маладосці – 2020», міжнародным вытворчым праекце «Атлант», узвядзенні сацыяльна значных аб'ектаў Віцебскай вобласці, была задзейнічана ў добраўпарадкаванні рэгіёнаў, працавала ў аздараўленчых лагерах.
– Англійскаму дзяржаўнаму дзеячу ХIХ стагоддзя Бенджаміну Дзізраэлі належыць афарызм: «Амаль усё вялікае зроблена маладымі». Я з гэтым цалкам згодны, – падкрэсліў начальнік галоўнага ўпраўлення ідэалагічнай работы і па справах моладзі аблвыканкама Генадзь Ягорава. – Таму трымайцеся, працуйце над сабой, і ў вас усё абавязкова атрымаецца! Віншую ўсіх з надыходзячымі святамі. Няхай Калядная зорка прынясе ў вашы дамы мір, дабро, цяпло і ўтульнасць.
Як расказала першы сакратар Віцебскага гарадскога камітэта БРСМ Таццяна Красакова, толькі ў Віцебску было працаўладкавана больш за 1400 рабят, якія працавалі ў 69 атрадах рознага профілю. Нягледзячы на складаную эпідэміялагічную сітуацыю, прадпрыемствы і арганізацыі горада адгукнуліся на жаданне моладзі працаваць, што вылілася ў эфектыўнае супрацоўніцтва на працягу семестра.
Як адзначыла камісар педагагічнага атрада «НЛА» Ганна Балад, для моладзі вялікі плюс, што не трэба хвалявацца, дзе падзарабіць летам: геаграфія працаўладкавання шырокая.
– Мы працавалі ў дзіцячым рэабілітацыйна-аздараўленчым цэнтры «Ждановічы», – растлумачыла Ганна. – Працу выконвалі самую розную, у тым ліку і арганізацыйную. Атрадна, што па выніках была дадзена высокая ацэнка кожнаму з нас. І запрашэнне папрацаваць у наступным годзе – яркі таму прыклад. Каманду аднадумцаў сабраць было нескладана: усе рабяты выдатна разумеюць, наколькі ў любой прафесіі важныя камунікатыўныя навыкі, а дзякуючы БРСМ і студатраду такая унікальная магчымасць ёсць у кожнага з нас.