У Віцебску пажылых валанцёраў навучаць асновам энергаэфектыўнасці

Навучальны семінар для пажылых "Энергазберажэнне ў "залатым" узросце" адбудзецца ў Віцебску 25-26 верасня, паведамілі ў Віцебскім абласным інстытуце развіцця адукацыі.

Мерапрыемства пройдзе на базе сярэдняй школы №12 абласнога цэнтра, дзе сёлета пачаў дзейнічаць рэсурсны цэнтр па энергазберажэнні. Навучанне тут вядзецца з выкарыстаннем спецыяльных дэманстрацыйных прыбораў: ацяпляльных батарэй, вентыляў, цацак на альтэрнатыўных крыніцах энергіі, вокнаў з розных матэрыялаў і г.п. Педагогі школы навучаць пажылых людзей з Віцебска, Кобрына і Шумілінскага раёна асновам эканоміі і беражлівасці. Акрамя практычных заняткаў на семінары запланавана правядзенне трэнінгу з псіхолагам, майстар-класаў па вырабе вырабаў з другасных матэрыялаў. "Педагогі падрыхтавалі для пажылых людзей, будучых валанцёраў, якія будуць у далейшым навучаць сваіх аднагодкаў асновам энергаэфектыўнасці, шмат сюрпрызаў", - адзначылі арганізатары.

Семінар па энергазберажэнні для пажылых - адно з мерапрыемстваў праекта "Ад сацыяльнага дыялогу да сацыяльнага партнёрства", накіраванага на навучанне дарослага насельніцтва. "Назапашаны ў Віцебску вопыт у сферы андарагогікі ў далейшым можа быць шырока выкарыстаны і ў іншых рэгіёнах. У прыватнасці, практычны матэрыял па навучанні дарослых энергазберажэнню ўжо знайшоў распаўсюджванне ў Брэсцкай вобласці. Акрамя гэтага адзначаецца павелічэнне цікавасці да гэтай тэмы з боку бізнесу, прадпрыемстваў, інвестараў, ды і проста жыхароў", - канстатавалі ў інстытуце.

Алена Ціханава, БЕЛТА.