У Віцебску пройдзе абласная выстава-конкурс па вязанні "Карункі зімы"

Вязанне з'яўляецца адным з відаў пляцення, якое заснавана на злучэнні паміж сабой завес адной ніткі з дапамогай нескладаных прыстасаванняў уручную (кручка, спіцы, іголкі і інш.). Тэхніку вязання кручком – ён жа шыдэлак (“szyde?ko” па-польску) – і вязанне спіцамі на 2-х або 5-ці добра ведаюць і вельмі любяць беларускія рукадзельніцы як у вёсках, так і сярод гарадскога насельніцтва. Яны ствараюць прыгожыя карункі-сулкі і сурвэткі, цёплыя хусткі і модныя шапкі, вязаць традыцыйныя шкарпэткі і рукавіцы і многае іншае. Усе гэтыя рэчы на Віцебшчыне ў нашы дні выконваюцца рознымі прыёмамі, ад злучэння якіх атрымліваюцца складаныя ажурныя, узорныя жаккардавыя і іншыя навамодныя вязанні. Але такая прыгажосць пачала квітнець на Віцебскай зямлі толькі ў ХХ стагоддзі. А што ж было раней?

Убачыць рукадзелле майстроў мінулага стагоддзя і сучаснасці

Удзельнікамі абласной выставы-конкурсу з'яўляюцца члены Віцебскага аддзялення Беларускага Саюза майстроў народнай творчасці, майстры Дамоў рамёстваў, члены клубаў народных майстроў і індывідуальныя ўдзельнікі.

Вашай увазе будуць прадэманстраваны творчыя дасягненні майстроў Віцебскай вобласці. Вы зможаце пазнаёміцца з традыцыйнымі і рэдкімі тэхнікамі народнага вязання на Віцебшчыне.

Адкрыццё выставы адбудзецца 19 лютага ў 16.00

Адрас: г. Віцебск, вул. Леніна, 35а.