У Віцебску пройдзе першы этап чэмпіянату Беларусі па аўтакросе

25 і 26 красавіка ў Віцебску пройдзе першы этап чэмпіянату Беларусі па аўтакросе, прысвечаны памяці М.Ф.Шмырова, паведаміў старшыня Віцебскай абласной арганізацыйнай структуры ДТСААФ Васіль Карабаў.

Спаборніцтвы будуць праводзіцца на аўтатрасе ў Тулава на працягу двух дзён. У іх прымуць удзел аўтагоншчыкі з Беларусі і Расіі.

25 красавіка адбудуцца фінальныя заезды ўдзельнікаў у класах "Д-1" і "Д-2", а 26 красавіка - у класах "Нацыянальны", "Д1-Юніёр" і "Д3-спрынт". У кожным класе пройдзе па два заезды. Цырымонія ўрачыстага ўзнагароджання пераможцаў аўтакросу адбудзецца 26 красавіка.

Мерапрыемства праводзіцца ДТСААФ пры садзейнічанні Беларускай аўтамабільнай федэрацыі.