У Віцебску прайшла справаздачна-выбарчая канферэнцыя абласной арганізацыі Беларускага саюза жанчын

З кожным годам роля жанчын у сучасным грамадстве ўзрастае, яны здольныя вырашаць самыя розныя задачы і заяўляць аб сваёй актыўнай грамадзянскай пазіцыі. Прадстаўніцы слабага полу ўваходзяць у склад урада, заканадаўчых органаў улады, кіруюць прадпрыемствамі і арганізацыямі, прымаюць удзел у грамадскім жыцці рэспублікі і сваіх рэгіёнаў. Прыклад таму – вядомыя ў Беларусі моцныя асобы і яркія лідары: Мар'яна Шчоткіна, Наталля Качанава, Лідзія Ярмошына, Лія Ананіч. Менавіта такіх аб'ядноўвае ГА «Беларускі саюз жанчын», якое ў гэтым годзе адзначае сваё 25-годдзе.

Ёсць і на Віцебшчыне жанчыны, якія не маюць патрэбы ў прадстаўленні. За іх гаворыць іх праца на карысць жыхароў вобласці, як у асноўнай дзейнасці, так і ў грамадскай. Яны ўносяць уклад у захаванне сямейных каштоўнасцей, ахову дзяцінства і мацярынства, духоўна-маральнае выхаванне моладзі, выступаюць супраць сіроцтва, садзейнічаюць барацьбе з алкагалізмам і наркаманіяй, клапоцяцца пра здароўе падрастаючага пакалення. Віцебская абласная арганізацыя ГА «БСЖ» – 598 пярвінных арганізацый, 21 раённая, 2 гарадскія, гэта каля 15 тысяч жанчын, дзе адна адну прынята называць «дарагія сяброўкі». Гэта вялікая сіла, здольная на вялікія справы, што пацвердзіла VI справаздачна-выбарная канферэнцыя абласной арганізацыі БСЖ, якая прайшла на базе Віцебскага каледжа культуры і мастацтваў.

Аб дзейнасці абласной арганізацыі расказала яе старшыня Ларыса Аленская. Яна прачытала прывітанне ад старшыні БСЖ Мар'яны Шчоткінай і адзначыла: жанчынам Віцебшчыны па плячы вырашэнне шырокага кола пытанняў на карысць дзяржавы, сям'і і грамадства.

– Віцебская арганізацыя прымае актыўны ўдзел у рэспубліканскіх акцыях «Жанчына года», «Здароўе жанчыны – здароўе нацыі», «У Беларусі ніводнага кінутага дзіцяці», «Сям'я без гвалту». Вядзецца актыўная работа па павышэнні статусу сям'і, ролі жанчыны-маці. З гэтай мэтай на Віцебшчыне аблвыканкамам была заснавана прэмія імя Героя СССР Зінаіды Тусналобы-Марчанка, – сказала Ларыса Канстанцінаўна.

Традыцыйнымі сталі ўшанаванні жанчын у Дзень

Маці, нованароджаныя – у Дзень міру (па ініцыятыве абласной арганізацыі Фонду міру і яе прадстаўніц Зоі Крот і Таццяны Тумановіч), кругласутачная абласная акцыя «Разам у абарону жыцця» ў рамках праграмы дэмаграфічнай бяспекі. Цікавы вопыт працы ў гэтым напрамку першаснай арганізацыі БСЖ Аршанскай цэнтральнай паліклінікі, старшынёй якой з'яўляецца загадчыца радзільнага дома Ірына Крачак, лаўрэат рэспубліканскай прэміі «Жанчына года» ў 2014 годзе. А таксама цэнтр здароўя, створаны на базе абласнога клінічнага дзіцячага цэнтра, якім кіруе Галіна Пузанава, «Жанчына года-2015». Актыў БСЖ надае ўвагу пытанням сямейнага няшчасця і сацыяльнага сіроцтва, у рамках рэалізацыі Дэкрэта №18 наведвае сумесна з зацікаўленымі структурамі праблемныя сем'і, сацыяльныя прытулкі, удзельнічае ў навагодніх акцыях для дзяцей-сірот. За апошнія гады пабывалі ў многіх установах культуры і адукацыі, правялі выязное пасяджэнне рэспубліканскага праўлення БСЖ у Полацку, дзе абмеркавалі ролю жанчыны ў захаванні духоўнай і культурнай спадчыны. Шэраг пытанняў саюз жанчын вырашае пры ўзаемадзеянні з царквой. Арганізавана моцнае супрацоўніцтва з прафсаюзнымі, ветэранскімі, моладзевымі арганізацыямі, абласным аддзяленнем Фонду міру.

Досведам працы з прысутнымі падзяліліся члены абласной, кіраўнікі гарадскіх, раённых і першасных арганізацый, у тым ліку рэктар Віцебскага абласнога інстытута развіцця адукацыі Людміла Сляпцова, дырэктар прадстаўніцтва «Белдзяржстрах» па Наваполацку Алена Фурс, дырэктар дзіцячага дома горада Віцебска Наталля Культанко і іншыя. Галоўнае, што гучала ў іх словах, – неабыякавасць да таго, што адбываецца ў грамадстве і чыста жаночае імкненне зрабіць свет лепш. Рашучасць у голасе і цікавыя ідэі пацвердзілі: намечанае будзе выканана.

Прыемна адзначыць, што ўсе ініцыятывы саюза жанчын падтрымлівае кіраўніцтва вобласці. І так будзе надалей, адзначыў прысутны на канферэнцыі намеснік старшыні аблвыканкама Уладзімір Пянін.

– Паважаныя жанчыны, калі вы распавядалі пра сваю актыўную дзейнасць, любы чалавек можа падумаць, што вам за гэта плацяць

грошы. Але вы нясеце грамадскую нагрузку, а апроч таго працуеце на вытворчасці, у адукацыі, ахове здароўя, у вас ёсць сем'і. Хачу выказаць вялікую падзяку за тое, што вы робіце. Бачачы такі актыў, я разумею, што мы зробім яшчэ вельмі шмат, – падкрэсліў Уладзімір Пятровіч.

Кіраваць гэтай працай цяпер будзе зноў абраны старшыня абласной арганізацыі БСЖ Галіна Жаланава, якая ўзначальвае абласную арганізацыю Беларускага таварыства Чырвонага Крыжа, уваходзіць у склад абласнога Савета дэпутатаў. Галіна Пятроўна адзначыла, што і далей саюз будзе удзяляць увагу павышэнню ролі жанчыны ў грамадстве. Адзін са шляхоў – больш актыўна ствараць першасныя арганізацыі ў працоўных калектывах, унікаць у праблемы, каб іх вырашаць.

Вольга Маслоўская. Фота Дзмітрыя АСІПОВА. «Віцебскія весці».