У Віцебску прайшла ўрачыстая цырымонія занясення лепшых прадпрыемстваў і арганізацый на Дошку гонару

Правядзенне традыцыйнай цырымоніі занясення на абласную Дошку гонару лепшых прадпрыемстваў і арганізацый напярэдадні 1 мая надае урачыстасці асаблівае сацыяльна-маральнае гучанне. Пра гэта заявіў старшыня аблвыканкама Мікалай Шарснёў, звяртаючыся з прывітальным словам да прадстаўнікоў перадавых калектываў на святочным мерапрыемстве ў мінулы чацвер у Віцебску.

Першамай сімвалізуе мір і стварэнне, славіць чалавека-працаўніка, увасабляе вясновы росквіт і надзеі на будучыню, пошук смелых наватарскіх ідэй і рашэнняў. Менавіта дзякуючы добрасумленным працы жыхароў Прыдзвіння ў 2014 годзе ў вобласці ўдалося захаваць станоўчую дынаміку па большасці паказчыкаў сацыяльна-эканамічнага развіцця. Сярод найбольш важных дасягненняў Мікалай Шарснёў назваў выкананне заданняў урада па тэмпах росту валавога рэгіянальнага прадукту, экспарту тавараў, паказчыку энергазберажэння, забеспячэнне апярэджваючага росту прадукцыйнасці працы над ростам заработнай платы, а таксама станоўчага сальда знешняга гандлю таварамі і паслугамі. Ужо не першы год прадпрыемствы Віцебшчыны дэманструюць найбольшую інавацыйную актыўнасць. Па выніках 2014-га вобласць у ліку лідараў па тэмпах росту экспарту тавараў і валавога рэгіянальнага прадукту, індэксе фізічнага аб'ёму вытворчасці прамысловай прадукцыі, суадносінах запасаў гатовай прадукцыі на складах і сярэднемесячным аб'ёме вытворчасці, што змякчае праблему вымывання абаротных сродкаў.

На Віцебшчыне летась утворана 190 новых арганізацый, уведзена ў эксплуатацыю 30 вытворчасцей на дзейных прадпрыемствах, створана 2,8 тыс. новых працоўных месцаў. Невыпадкова Прыдзвінне ў ліку лідараў па такім паказчыку, як удзельная вага затрат на набыццё машын і абсталявання ў агульным аб'ёме інвестыцый у асноўны капітал, а значыць _ па абнаўленні актыўнай часткі асноўных сродкаў, што спрыяльна адбіваецца на працэсах тэхнічнага пераўзбраення і мадэрнізацыі. У складаных умовах развіцця сусветнай эканомікі прадпрыемствы шукаюць крыніцы эканамічнага росту за кошт развіцця інтэлектуальнага, творчага патэнцыялу чалавека, пошуку новых ідэй і тэхналогій. Працягваецца рэалізацыя праектаў па будаўніцтве завода па выпуску металічнага ліста і белай бляшанкі ў Мёрскім раёне, развіцці інфраструктуры ААТ «Аршанскі авіярамонтны завод», узвядзенні завода па выпуску тарфяных пелет і субстратаў з тарфу на базе Шаркаўшчынскага і Глыбоцкага раёнаў, арганізацыі вытворчасці гандлёвага абсталявання ў Віцебску і шэрагу іншых.

- Поспех прыходзіць да тых, хто ўмее дакладна вызначыць мэту, прымае прадуманыя рашэнні на перспектыву, _ лічыць Мікалай Шарстнёў. Сёння важна ўкараняць сучасныя тэхналогіі, праяўляць беражлівасць, эканомію, выпускаць канкурэнтаздольную прадукцыю. Але якімі б разумнымі ні былі машыны і тэхналогіі, нішто не заменіць чалавека працы, перакананы ён.

Ушануючы перадавікоў эканомікі і сацыяльнай сферы, мы аддаём даніну павагі найбольш аўтарытэтным калектывам і працаўнікам, якія канкрэтнымі прыкладамі і справамі не толькі павышаюць уласны дабрабыт, але і спрыяюць умацаванню эканомікі раёна і вобласці. «У працы заключана крыніца дабрабыту і росквіту, добрасумленная праца дазваляе паслядоўна ўмацоўваць сапраўдную незалежнасць краіны», - падкрэсліў Мікалай Шэрстнёў.

За дасягненне ў 2014 годзе найлепшых вынікаў у выкананні прагнозных паказчыкаў сацыяльна-эканамічнага развіцця, павышэнні эфектыўнасці вытворчасці і забеспячэнні высокіх паказчыкаў па эканоміі рэсурсаў на абласную Дошку гонару занесены прызнаныя пераможцамі абласнога спаборніцтва арганізацыі. Сярод іх ААТ «Канструктарскае бюро «Дысплей», дзе створаны ўчастак вытворчасці модуляў для дыстанцыйнага кіравання зброяй, «Віцебскія дываны» (распрацавана і ўкаранёна больш за 100 новых малюнкаў тканых дываноў і пакрыццяў, выпушчана 6 новых калекцый двухпалатных жаккардавых дыва новых вырабаў), «Верхнядзвінскі масласырзавод», «Аршанскі станкабудаўнічы завод «Чырвоны бальшавік» (выпрацавана больш за 20 адзінак арыгінальных вырабаў на аснове сучасных рашэнняў і тэхналогій), ПРУП «Віцебскаблгаз», СААА «ЛЛК-НАФТАН», УП «Полімерканструкцыя», КУПСГ «Дрысенскі» (Верхнядзвінскі раён), сельскагаспадарчае ўнітарнае прадпрыемства «/font>«Палімір-агра»», ААТ «Рудакова», «Аршанскі лясгас» (уведзены базавы гадавальнік плошчай 23 га), КПРСУП «Віцебскаблдарбуд», ААТ «Аб’яднанне ”Лотос», гімназіі №1 і №2 абласнога цэнтра, Віцебскі дзяржаўны тэхналагічны ўніверсітэт, цэнтр культуры «Віцебск», рэдакцыя газет «Віцьбічы» і «Вечаровы Віцебск», віцебскі гарадскі клінічны радзільны дом №2 і абласны клінічны спецыялізаваны цэнтр.

- Вопыт пераможцаў бясцэнны, а іх дасягненні пацвярджаюць значэнне і аўтарытэт чалавека працы, які здольны ставіць перад сабой вялікія задачы і ўпэўнена вырашаць іх, - рэзюмаваў Мікалай Шарснёў, асабліва адзначыўшы граматных і ўмелых працаваць, а галоўнае – якія любяць сваю справу кіраўнікоў гэтых калектываў.

У гэты ж дзень абнавілася Дошка гонару Віцебска, куды занесены 16 лепшых працоўных калектываў абласнога цэнтра. Пасля завяршэння цырымоніі адбыўся ўрачысты вечар і канцэрт, прысвечаныя Святу працы.

Сяргей Антонаў, "Віцебскія весці"