У Віцебску правялі навагодні свята "Партызанская ёлка"
«
Партызанская ёлка» - свята з такой назвай напярэдадні Новага года ўжо 5 гадоў запар праводзіць віцебскі музей Міная Шмырава.Пачыналася ўсё з таго, што ў музеі збіраліся ветэраны партызанскага руху, распавядалі пра баявыя будні. Успаміналі, як на фронце адзначалі святы. У тым ліку, Новы год. Як упрыгожвалі елкі ў партызанскіх атрадах гільзамі і вінтовачнымі стужкамі.
Сёння, на жаль, ветэранаў становіцца ўсё менш. Аднак традыцыя ладзіць
«партызанскую ёлка» прыжылася. З кожным годам у ёй з'яўляюцца новыя арыгінальныя старонкі. Напрыклад, у 2014-м падчас свята ў музеі адкрылася выстава «Першая Сусветная - 100 гадоў». На ёй можна было бачыць плакаты, карыкатуры векавой даўніны. Фотаздымкі салдат і афіцэраў, якія гераічна абаранялі Смаргонь. Абмундзіраванне і асабістыя рэчы байцоў Расійскай імператарскай арміі, армій Германіі, Аўстра-Венгрыі і Японіі.Акрамя гэтага, па словах галоўнага захавальніка фондаў музея Дзяніса Якаўлева, тэма Першай сусветнай вайны звязана як з музеем Шмырава, так і з цікавымі навагоднімі гісторыямі:
- Падчас Першай сусветнай быў выпадак, калі з аднаго боку салдаты Францыі і Англіі, а з другога - Германіі, дамовіліся ўладзіць перамір'е, каб сустрэць Каляды ў свеце, цішыні і спакоі. Пра гэта нават кінафільм зняты. Да таго ж легендарны партызанскі комбрыг Мінай Філіпавіч Шмыроў таксама ваяваў на франтах Першай сусветнай.
Усіх гасцей музея ў гэты дзень пазнаёмілі з гісторыяй навагодняй елкі. Успомнілі, якімі цацкамі яе ўпрыгожвалі: з XVI стагоддзя і да нашых дзён. А цацкі для
«навагодняй елкі будучыні» наведвальнікі маглі зрабіць сваімі рукамі. Для іх Дзед Мароз правёў цікавыя конкурсы і віктарыны. З сюрпрызамі і падарункамі. А хлопцы з клуба ваенна-гістарычнай рэканструкцыі «Таварышы па зброі» паказалі выдатнае пастановачнае пабоішча - дакладна як у часы Вялікай Айчыннай. Гледачы, скачанелыя на марозе, маглі атуліцца гарачай гарбатай ці порцыяй салдацкай кашы.Сяргей ГОЛЕСНІК, фота аўтара