У Віцебску адбыўся мітынг, прысвечаны Міжнароднаму дню вызвалення вязняў фашысцкіх канцлагераў
У часы Другой сусветнай вайны ў Германіі, дружалюбных ёй краінах і на акупаваных тэрыторыях дзейнічалі тысячы канцэнтрацыйных лагераў. Іх вязняў спальвалі ў печах крэматорыя, у тым ліку жыўцом, траўлялі ў газавых камерах, катавалі, гвалтавалі і марылі голадам. Акрамя таго, прымушалі працаваць да поўнага знямогі, бралі кроў для салдат вермахта, праводзілі медыцынскія эксперыменты, выпрабоўваючы на людзях новыя прэпараты.
11 красавіка 1945 года быў вызвалены Бухенвальд (Германія). Аднак напярэдадні там успыхнула ўзброенае паўстанне, таму зняволеныя ўжо паспелі ўзяць пад кантроль лагер смерці, калі з'явіліся вайскоўцы. Дзякуючы гэтаму нацысты не паспелі замяць сляды сваіх злачынстваў. Менавіта ў гэты дзень сталі адзначаць Міжнародны дзень вызвалення вязняў фашысцкіх канцлагераў.
У Віцебску мітынг прайшоў ля мемарыяльнага комплексу на Успенскай горцы, дзе пахавана 16 савецкіх воінаў, якія загінулі ў Вялікую Айчынную вайну.
У мерапрыемстве ўдзельнічалі кіраўнікі вобласці і горада, прадстаўнікі працоўных калектываў, устаноў адукацыі і грамадскіх арганізацый, сведкі тых страшных падзей. Яны ўсклалі кветкі, ушанавалі памяць ахвяр фашызму хвілінай маўчання.