У Віцебску супрацоўнікі ДАІ павіншавалі з выпіскай маму, якой дапамаглі дабрацца да радзільні

Нагадаем, 16 снежня інспектары ДПС суправаджалі жанчыну, якая адчула сябе дрэнна за рулём і звярнулася да іх па дапамогу. Праз лічаныя хвіліны першы супрацоўнік ДАІ сеў за руль машыны аўталэдзі, а іншы ўключыў праблескавыя маячкі і стварыў "зялёны калідор". Радзільню даставілі да пункта прызначэння і перадалі медыкам, а пазней у яе нарадзілася дзяўчынка.

Сёння Вольгу Старавойтаву на выпісцы чакаў муж з маленькім сынам і дачкой. Наванароджаная дзяўчынка ў сям'і стала пятым дзіцем.

Аднымі з гасцей кранальнага мерапрыемства сталі намеснік старшыні Віцебскага аблвыканкама Вячаслаў Дурноў і старшыня Віцебскага абласнога аддзялення Беларускай партыі «Белая Русь», рэктар ВДУ ім. П. Машэрава Валянціна Багатырова, якія ў вобразах самых добрых навагодніх герояў – Дзяда Мароза і Снягурачкі, адрасавалі самыя цёплыя словы віншаванняў, пажаданні дабра і шчасця новаспечаным бацькам.

– Ад усяго аблвыканкама віншуем вас з гэтым перадсвяточным цудам, якое ў жыцці прынясе вам вялікі шчасце, - адзначыў Вячаслаў Дурноў.

– Для мяне заўсёды вялікі гонар бываць тут, у гэтым узорным раддоме. Я сама памятаю, наколькі важна матулі не проста апынуцца побач з урачамі, а з душэўнымі людзьмі. Дарыць гэтую душэўнасць – сапраўднае шчасце, а напярэдадні навагодніх святаў – падвойна, – падзялілася сваімі эмоцыямі Валянціна Багатырова.

 

 

Таксама прапусціць такую падзею не змаглі супрацоўнікі ДАІ, сярод якіх тыя самыя хлопцы, што некалькі дзён таму даставілі жанчыну да раддома.

Начальнік аддзела па агітацыі і прапагандзе ДАІ УУС Віцебскага аблвыканкама, капітан міліцыі Надзея Касперовіч распавяла рэдакцыі, што падобныя сітуацыі здараюцца ў вобласці нямала, і супрацоўнікі заўсёды імкнуцца зрэагаваць максімальна хутка.

- Для супрацоўнікаў, маладых хлопцаў, якія дапамаглі даехаць да радзільні, такая сітуацыя была ўпершыню, і справіліся яны на сто працэнтаў. На месцы кіраўніка было цяжка стрымаць слёзы радасці, гордасці за сваіх супрацоўнікаў. Для малой Дзяржаўтаінспекцыя падрыхтавала ў падарунак аўтамабільнае сядзенне і масу карысных рэчаў з фірмовым лагатыпам арганізацыі.

ДАІ хацелася не проста зрабіць добрую справу, але і павіншаваць з навагоднімі святамі ўсю сям'ю.

– Мы ведаем, што акрамя нованароджанай дзяўчынкі ў сям'і яшчэ 4 дзіцяці, для кожнага з іх мы падрыхтавалі нашы фірмовыя сумкі з дзіцячымі падарункамі, дзе можна знайсці ўсё, почынаючы ад кніжак, заканчваючы прысмакамі, – адзначыла Надзея Касперовіч.

Таксама напярэдадні навагодніх святаў запрошаныя госці сардэчна павіншавалі іншых матуль.

"Віцебскія весці"