У Віцебску стартаваў чэмпіянат ветэранаў-парашутыстаў

На аэрадроме «Кукаўячына» Віцебскага гарадскога аэраклуба стартаваў першы адкрыты міжнародны чэмпіянат па скачках з парашутам. У спаборніцтвах прымае ўдзел 8 каманд з Рэспублікі Беларусь і Расійскай Федэрацыі. Гэта ветэраны спорту і спецыяльных падраздзяленняў узброеных сіл, а таксама МНС.

На працягу трох дзён будуць разыграны ўзнагароды ў спаборніцтвах на дакладнасць прызямлення. Гэты від парашутнага спорту патрабуе сур'ёзнай падрыхтоўкі, пісьменнага разліку, умення выдатна арыентавацца ў палёце і імгненна прымаць рашэнні.

Скачкі здзяйсняюцца з борта самалёта АН-2. З вышыні 1000 м патрабуецца прызямліцца на спецыяльны мат, дзе электроніка дакладна фіксуе вынікі. Спаборствы судзіць журы, якое складаецца з тытулаваных спецыялістаў міжнароднага класа, што дазволіць удзельнікам чэмпіянату не толькі пазмагацца за перамогу, але і за больш высокія разрады і званні.

Мерапрыемства стала найбольш масавым у параўнанні з аналагічнымі спаборніцтвамі на тэрыторыі СНД.

– На жаль, надвор'е не парадавала, – кажа каардынатар чэмпіянату Віталь Свірыдаў. – Моцны вецер цалкам парушыў графік, аднак мы робім усё, каб прадаставіць магчымасць выступіць нашым гасцям. Разлічваем, да канца дня ў суботу завяршыць праграму і падвесці канчатковыя вынікі.

"Віцебскія весці". Фота "Віцебскія весці" і "Віцьбічы".