У Віцебску зацверджаны склад 60 акруговых камісій па выбарах у абласны Савет дэпутатаў
На сумесным пасяджэнні прэзідыума
Віцебскага абласнога Савета дэпутатаў і Віцебскага аблвыканкама зацверджаны
колькасны і персанальны склад 60 акруговых камісій па выбарах у
Віцебскі абласны Савет дэпутатаў 28-га склікання.
Каментуючы на просьбу журналістаў гэты этап выбарчай кампаніі, старшыня Віцебскага абласнога Савета дэпутатаў Уладзімір Тэрэнцьеў адзначыў, што ўсяго было пададзена 749 заяў. "Найбольшую актыўнасць праявілі грамадскія аб'яднанні і палітычныя партыі - больш за 60% ад агульнай колькасці заяў. Заявы ад працоўных калектываў складаюць 9,9%. Шляхам збору подпісаў грамадзян пададзена 29,5% заяў", - адзначыў ён.
Уладзімір Тэрэнцьеў падкрэсліў, што пры зацвярджэнні спісачнага складу акруговых выбарчых камісій, прэзідыум аблсавета і аблвыканкам імкнуліся максімальна ўлічыць інтарэсы ўсіх грамадскіх аб'яднанняў і палітычных партый, якія заявілі аб сваім намеры актыўна ўдзельнічаць у правядзенні выбарчай кампаніі.