У Віцебску ў 2010 годзе плануецца стварыць 19 прадпрыемстваў і вытворчасцей

26 студзеня, Віцебск /Дзіяна Курыло - БЕЛТА/. Віцебскі гарвыканкам сёння зацвердзіў комплекс мер па выкананні параметраў прагнозу сацыяльна-эканамічнага развіцця абласнога цэнтра на 2010 год, паведамілі карэспандэнту БЕЛТА ва ўпраўленні эканомікі Віцебскага гарвыканкама. У бягучым годзе прамысловым комплексу горада трэба будзе павялічыць выпуск прамысловай прадукцыі на 24% у параўнанні з аналагічным паказчыкам 2009 года, тэмп росту вытворчасці спажывецкіх тавараў павінен скласці 130%. Для рэалізацыі гэтай задачы гарвыканкамам прадугледжаны як арганізацыйныя мерапрыемствы, якія тычацца кантролю за ходам выканання бізнес-планаў развіцця прадпрыемстваў, так і комплекс мер, накіраваных на тэхнічнае пераўзбраенне і мадэрнізацыю вытворчасцей, асваенне новых відаў прадукцыі, у тым ліку імпартазамяшчальнай, арганізацыю новых вытворчасцей на дзеючых прадпрыемствах і стварэнне новых. Так, на РУВП "Віцязь" будзе пашырана вытворчасць лічбавай DVD-прыстаўкі для прыёму эфірнага і кабельнага тэлебачання ў фармаце сціску MPEG2/MPEG4, лічбавых тэлепрыёмнікаў, тэлевізараў з вадкакрысталічным экранам. Адкрытае акцыянернае таварыства "Віцебскія дываны" мае намер павялічыць вытворчасць тканых пакрыццяў "Шэггі" з поліпрапіленавай кручанай тэрмафіксаванай ніткі фрызе да 20 тыс. кв.м у год. Камунальнае акцыянернае таварыства "Праца-Віцебск" у бягучым годзе мае намер асвоіць вытворчасць 18 відаў аднаразовага медыцынскага адзення і бялізны. У цэлым у горадзе плануецца стварыць 19 новых прадпрыемстваў і вытворчасцей. Тэмп росту інвестыцый па арганізацыях камунальнай уласнасці ў 2010 годзе складзе 125%. Прадпрыемствам трэба будзе прыцягнуць не менш Br900 млрд. інвестыцый. ААТ "Малако" плануе накіраваць больш Br8 млрд. на набыццё сучаснай лініі па вытворчасці ёгуртаў, набыццё пастэрызацыйна-ахаладжальнай устаноўкі. Працягнецца тэхпераўзбраенне Віцебскага мясакамбіната, на якое будзе накіравана звыш Br10 млрд. Прадпрыемства "Энергакомплект" мае намер інвесціраваць Br1,2 млрд. на асваенне выпуску высокавольнага кабеля напружаннем 110 кВт. Па аператыўных даных на 23 студзеня, у цэлым па горадзе тэмп росту прамысловай прадукцыі склаў 102,1% да студзеня 2009 года.-0-