У Віцебску выберуць Міс Грацыя International

У чацвёрты раз Віцебск прымае Адкрыты конкурс нацыянальных культур, творчасці і прыгажосці «Грацыя International», фінал якога пройдзе 24 сакавіка ў канцэртнай зале «Віцебск».

Традыцыйна творчае спаборніцтва студэнтаў з розных краін, якія атрымліваюць адукацыю ў Беларусі, падзелена на два этапы. Першае выпрабаванне – прыгатаванне нацыянальнай стравы. Смакавы конкурс будуць ацэньваць генеральны дырэктар ЗАТ «Гатэль «Эрыдан» Аляксандр Хадосаў, уладальнік пякарні DredMansBakery Віктар Грыбулёў, аўтар і вядучы кулінарна-музычнага праекта “Еш, пакуль на спяваеш!” тэлерадыёкампаніі «Віцебск» Сяргей Маркаў, дырэктар кафэ індыйскай і шры-ланкійскай кухні «Шафран» Сандзіп Кумар і іншыя знатакі кулінарыі.

Другі этап фіналу ўключыць у сябе красамоўства, дэфіле і творчы конкурс. У склад журы ўвайшлі генеральны дырэктар Цэнтра культуры «Віцебск» Глеб Лапіцкі, Міс Грацыя International – 2022 Лу Лу, дызайнер і заснавальнік брэнда T. Efremova Таццяна Ефрэмава і іншыя.

Як распавяла кіраўнік Цэнтра нацыянальных культур ЦК «Віцебск» Аліса Стуканава, сёлета вырашана зрабіць акцэнт на нацыянальную аўтэнтычнасць, народныя казкі, абрады, легенды і паданні. Паводле яе слоў, гэта будзе вельмі відовішчна і пазнавальна. У конкурсе возьмуць удзел прадстаўніцы дзевяці краін, упершыню – Нігерыі.

Канкурсанткі будуць змагацца за перамогу ў галоўных намінацыях: Міс Грацыя International, І віцэ-міс, ІІ віцэ-міс.

"Віцебскія весці"