У Віцебску завершана справаздача па справе расіян, якія займаліся скімінгам

Упраўленне Следчага камітэта па Віцебскай вобласці завяршыла расследаванне крымінальнай справы ў дачыненні да двух грамадзян Расіі, якія ўстанаўлівалі скімінгавыя прылады на банкаматах Віцебска і Мінска. Пра гэта БЕЛТА паведаміла афіцыйны прадстаўнік упраўлення Інна Гарбачова.

Устаноўлена, што 29 і 32-гадовыя ўраджэнцы Казані, рэалізуючы распрацаваную імі злачынную схему, прыехалі ў Беларусь, дзе з прымяненнем скімінгавых прылад выкралі грашовыя сродкі жыхароў Віцебска і Мінска на агульную суму больш за Br80 млн. За два месяцы злачыннай дзейнасці ўдалося выкрасці грошы з банкаўскіх плацежных картак, якія належаць больш чым 30 пацярпелым. У асобных эпізодах абвінавачаныя не давялі злачынны намер да канца па незалежных ад іх абставінах, а менавіта ў сувязі з адсутнасцю на рахунках пацярпелых запытанай сумы.

Дзеянні абвінавачаных кваліфікаваны па ч.1 арт.14, ч.3 арт.212 (замах на крадзеж маёмасці шляхам увядзення ў камп'ютарную сістэму ілжывай інфармацыі, здзейснены групай асоб па папярэдняй змове, у буйным памеры, спалучаны з несанкцыянаваным доступам да камп'ютарнай інфармацыі), а таксама па ч.1 арт.14, арт.352 (замах на несанкцыянаванае капіраванне інфармацыі, якая захоўваецца ў камп'ютарнай сістэме і на машынных носьбітах, што пацягнула прычыненне істотнай шкоды) КК.

Мера стрымання, прымененая да абвінавачаных, падчас следства не змянялася. З моманту затрымання па цяперашні час яны ўтрымліваюцца пад вартай.

Крымінальная справа перададзена пракурору для накіравання ў суд.

Алена Ціханава