У Віцебскай вобласці ідзе падрыхтоўка да перапісу насельніцтва 2019 года
У адпаведнасці з Указам Прэзідэнта Рэспублікі Беларусь ад 24 кастрычніка 2016 года №384 чарговы перапіс насельніцтва пройдзе восенню 2019-га. Каб працэс быў гладкім і прывёў да неабходных вынікаў, да падрыхтоўкі важнай падзеі пачалі загадзя. Для мінімізацыі выдаткаў былі дапрацаваны асобныя артыкулы Закона Рэспублікі Беларусь ад 13 ліпеня 2006 года «Аб перапісе насельніцтва», адзначыла Наталля Шруб, намеснік начальніка галоўнага статыстычнага ўпраўлення Віцебскай вобласці — начальнік аддзела дэмаграфічнай статыстыкі і перапісу насельніцтва.
У прыватнасці, за мясцовымі выканаўчымі і распарадчымі органамі замацавана абавязак на бязвыплатнай аснове арганізаваць прадастаўленне памяшканняў для працы часовага перапіснога персаналу і размяшчэння стацыянарных участкаў, а таксама транспартных сродкаў.
ДАРЭЧЫ: На тэрыторыі незалежнай Рэспублікі Беларусь перапіс праводзіўся двойчы: у 1999 і 2009 гадах.
У сувязі з маючай маштабнай кампаніяй у кожным рэгіёне краіны былі распрацаваны і лакальныя нарматыўныя акты. На Віцебшчыне яшчэ год таму прынята рашэнне аблвыканкама №235 «Аб падрыхтоўцы і правядзенні ў 2019 годзе перапісу насельніцтва Рэспублікі Беларусь». Згодна з ім, напрыклад, з 23 верасня па 13 лістапада 2019-га часовы перапісны персанал будзе забяспечаны бясплатным праездам на грамадскім транспарце пры прад'яўленні адпаведнага пасведчання.
Але акрамя таго трэба яшчэ замацаваць транспартныя сродкі за тэрытарыяльнымі органамі статыстыкі, каб забяспечыць працу перапісчыкаў у сельскай мясцовасці, дзе населеныя пункты значна аддалены адзін ад аднаго, а наяўныя транспартныя зносіны не дазволяць выканаць пастаўленыя задачы, падкрэсліла Наталля Алегаўна.
Аўтамабілі могуць таксама спатрэбіцца для маніторынгу працы стацыянарных участкаў або аказання дапамогі перапісчыку ў непрадбачанай сітуацыі.
У адпаведнасці з рашэннем аблвыканкама №235 была створана часовая абласная камісія па садзейнічанні перапісу насельніцтва.
Нядаўна адбылося яе першае пасяджэнне, дзе разглядаліся змены ў заканадаўстве, абавязкі мясцовай улады, парадак правядзення кампаніі і многія іншыя актуальныя пытанні.