У Віцебскай вобласці маладыя камбайнеры-тысячнікі і кіроўцы-перадавікі атрымаюць прэміі

27 ліпеня, Віцебск /Сяргей Кочатаў - БЕЛТА/. Маладыя камбайнеры, якія першымі намалацілі тысячу тон збожжа, і вадзіцелі-перадавікі, якія працуюць на адвозцы збожжа, падчас уборачнай кампаніі будуць заахвочаны прэміямі і дыпломамі аддзела па справах моладзі аблвыканкама і абласнога прафсаюза работнікаў АПК. Усяго ў вобласці працуюць амаль 200 маладзёжных экіпажаў і больш за 130 маладых вадзіцеляў, паведамілі карэспандэнту БЕЛТА ў аддзеле па справах моладзі аблвыканкама. Лепшыя маладыя работнікі (члены маладзёжных экіпажаў і вадзіцелі не старэйшыя за 31 год) будуць вызначацца падчас абвешчанага ў вобласці спаборніцтва сярод маладзёжных экіпажаў. Арганізатары ўстанавілі 8 прэмій у памеры ад 4 да 12 базавых велічынь (цяпер адна базавая роўная Br35 тыс.), уладальнікі якіх стануць вядомыя па ходзе ўборкі ўраджаю. Так, прэміі атрымаюць члены маладзёжных экіпажаў, якія першымі намалацілі 1 тыс.т і 2 тыс.т. Самую буйную прэмію ўручаць экіпажу камбайна, які намалаціў 3 тыс.т збожжа, - 12 базавых велічынь. Сярод маладых вадзіцеляў пераможцамі стануць работнікі, якія першымі перавезлі 1 тыс.т і 2 тыс.т збожжа новага ўраджаю. Правядзенне абласнога спаборніцтва заклікана матываваць маладых работнікаў на своечасовую і якасную ўборку ўраджаю, павышэнне эфектыўнасці выкарыстання сельгастэхнікі, а таксама накіравана на прапаганду перадавога вытворчага вопыту і папулярызацыю сярод моладзі сельскагаспадарчых прафесій. Арганізацыя спаборніцтва прадугледжана абласной праграмай "Моладзь Віцебшчыны" на 2006-2010 гады, зацверджанай аблвыканкамам.-0-