У Віцебскай вобласці ўтворана 797 участкаў для галасавання на выбарах дэпутатаў мясцовых Саветаў

У санаторыях, прафілакторыях, дамах адпачынку, бальніцах і іншых арганізацыях аховы здароўя, якія аказваюць меддапамогу ў стацыянарных умовах, створана 36 участкаў, яшчэ 2 – у воінскіх часцях.

У параўнанні з мясцовымі выбарамі 2014 года колькасць участкаў скарацілася прыкладна на 8%, што звязана з дэмаграфічнымі працэсамі. З моманту ўтварэння ўчасткаў для галасавання пачынаецца вылучэнне прадстаўнікоў у склад участковых выбарчых камісій. Гэтым правам валодаюць палітычныя партыі, іншыя грамадскія аб'яднанні, працоўныя калектывы, а таксама грамадзяне.

Раённыя і гарадскія выканкамы, якія ўтвараюць камісіі, на афіцыйных сайтах апублікавалі інфармацыю аб месцы і часе прыёму дакументаў, у тым ліку графікі работы 31 снежня, калі завяршаецца вылучэнне.

Участковыя выбарчыя камісіі павінны быць утвораны не пазней 3 студзеня 2018 года.

Усяго на выбарах 18 лютага на Віцебшчыне трэба будзе выбраць 3112 дэпутатаў, у тым ліку 2253 у сельскія і пасялковыя, 133 – у гарадскія, 666 – у раённыя Саветы, а таксама 60 дэпутатаў у абласны Савет.

БЕЛТА.