У Віцебскай вобласці абмяркуюць пытанні сацыяльна-эканамічнага развіцця рэгіёна
Удзельнікі мерапрыемства, а гэта кіраўніцтва аблвыканкама, старшыні раённых і гарадскіх выканаўчых камітэтаў, кіраўнікі адміністрацый раёнаў Віцебска, старшыні гарадскіх і раённых Саветаў дэпутатаў, наведаюць Гарадоцкі, Шумілінскі, Глыбоцкі, Ушацкі раёны, Наваполацк. У Гарадоцкім раёне плануецца разгледзець перспектывы развіцця турысцка-аздараўленчага комплексу "Лосьвіда", сістэму работы па ўмацаванні матэрыяльна-тэхнічнай базы ўстаноў адукацыі раёна, а таксама развіццё і выхад на самаакупнасць спартыўных аб'ектаў.
У Шумілінскім раёне будуць абмяркоўвацца пытанні аздараўлення насельніцтва сродкамі фізкультуры і спорту. Размова пойдзе і аб развіцці спартыўных адзінаборстваў, гульнявых відаў спорту. У Наваполацку ўдзельнікі семінара наведаюць цэнтральную гарадскую бальніцу, дзе азнаёмяцца з сучаснымі тэхналогіямі аказання медыцынскай дапамогі гараджанам і жыхарам прылеглых раёнаў.
Акрамя гэтага, запланавана азнаёмленне з вопытам Наваполацка па арганізацыі харчавання ва ўстановах адукацыі і інш. Праблемы і перспектывы развіцця аграэкатурызму будуць разгледжаны на базе Глыбоцкага раёна. Ва Ушацкім запланавана наведванне мемарыяльнага комплексу "Прарыў" і сучаснага фізкультурна-аздараўленчага комплексу "Юнацтва".