У Віцебскай вобласці адзначаецца станоўчая дынаміка скарачэння складскіх запасаў

21 снежня, Віцебск /Вольга Багачова - БЕЛТА/. У Віцебскай вобласці адзначаецца станоўчая дынаміка скарачэння складскіх запасаў, паведамілі карэспандэнту БЕЛТА ў камітэце эканомікі Віцебскага аблвыканкама. У цэлым па прамысловасці запасы гатовай прадукцыі ў рэгіёне ў параўнанні з 1 ліпеня гэтага года знізіліся на Br209 млрд. і склалі на 18 снежня Br465 млрд. або 39,6% да сярэднямесячнага аб'ёму вытворчасці. Пры гэтым па прадпрыемствах рэспубліканскай формы ўласнасці запасы паменшыліся на Br152,5 млрд. да Br337,5 млрд. (34,4% да сярэднямесячнага аб'ёму вытворчасці), камунальным прадпрыемствам - на Br46,2 млрд. да 96,3 млрд. (73,5% адпаведна). Па прадпрыемствах без ведамаснай падпарадкаванасці запасы знізіліся на Br10,3 млрд. і склалі Br31,2 млрд., або 49,7%. Па стане на 1 снежня, высокую ўдзельную вагу запасаў захоўваюць Аршанскі інструментальны завод, РУПП "Чырвоны баец", завод "Легмаш", Віцебскі футравы камбінат, Аршанскі ільнокамбінат, у адкрытых акцыянерных таварыствах "Візас", "Чырвоны Кастрычнік", "Сцяг індустрыялізацыі", на Абольскім керамічным заводзе, Глыбоцкім малочна-кансервавым камбінаце, дадалі ў камітэце.-0-