У Віцебскай вобласці прыродны газ падведзены да 108 з 254 аграгарадкоў

Урачыстыя мерапрыемствы з нагоды газіфікацыі населенага пункта прайшлі сёння ў аграгарадку Зубрэвічы Аршанскага раёна. Пра гэта паведамілі на вытворчым рэспубліканскім унітарным прадпрыемстве "Віцебскаблгаз".

Спецыялісты адзначылі, што падводзячы газаправод высокага ціску працягласцю каля 6 км пабудаваны ў максімальна кароткія тэрміны па Дзяржаўнай праграме ўстойлівага развіцця сяла. У выніку выкананых работ яшчэ адзін буйны сельскі населены пункт вобласці забяспечаны прыродным газам - магчымасць падключыцца да сетак атрымалі больш за 200 сем'яў. "Для падвядзення газу непасрэдна да дамоў жыхары аграгарадка могуць ствараць спажывецкія кааператывы і прэтэндаваць на частковае фінансаванне з бюджэту і льготнае крэдытаванне, што прадугледжана нормамі адпаведнага ўказа кіраўніка дзяржавы (№368), прынятага яшчэ ў 2006 годзе", - растлумачылі на прадпрыемстве.

За 2005-2015 гады ў рэгіёне газіфікавана 80 аграгарадкоў і іншых сельскіх населеных пунктаў, пры гэтым пабудавана больш за 700 км газаправодаў, на гэтыя мэты затрачана больш за Br140 млрд.

У цэлым прыродны газ зараз падведзены да 108 з 254 аграгарадкоў вобласці. У цырымоніі запальвання сімвалічнага факела ў аграгарадку Зубрэвічы прынялі ўдзел старшыня Віцебскага аблвыканкама Мікалай Шэрстнёў, генеральны дырэктар прадпрыемства "Віцебскаблгаз" Пётр Шэршань, старшыня Аршанскага райвыканкама Мікалай Лісоўскі. Для гасцей і ўдзельнікаў урачыстасці падрыхтаваны святочны канцэрт.

Алена Ціханава, БЕЛТА.