У Віцебскай вобласці прыступілі да выбарачнай уборкі збожжавых

Аграрыі Віцебскай вобласці прыступілі да выбарачнай уборкі збожжавых, паведамілі ў камітэце па сельскай гаспадарцы і харчаванні аблвыканкама.

"Да ўборкі збожжавых прыступілі некаторыя гаспадаркі 7 раёнаў вобласці. Камбайны выйшлі на палі, размешчаныя на лёгкіх пясчаных глебах. У асноўным прыбіраюць азімую пшаніцу. Сярэдняя ўраджайнасць - амаль 36 ц/га", - адзначылі ў аблсельгаспрадзе.

Па аператыўнай інфармацыі, на раніцу 1 жніўня ўсяго па вобласці абмалочана 255 га хлебнай нівы, што складае каля 0,1% ад плошчаў, занятых збожжавымі і зернебабовымі культурамі. У цэлым хлебаробам вобласці трэба прыбраць збожжа на плошчы ў 343,4 тыс. га. У рэгіёне актыўна вядзецца ўборка азімага рапсу. Тэхніка прайшла каля 34% плошчаў, занятых гэтай алейнай культурай. Ураджайнасць алейнага насення - 15,6 ц/га.

Алена Ціханава - БЕЛТА.