У Віцебскай вобласці работнікі ЖКГ, энерганагляду і іншых службаў дапамагаюць выяўляць праблемныя сем'і

У школьнікаў пачаліся зімовыя канікулы, з'явілася шмат вольнага часу, і нямала дзяцей, асабліва старэйшых, застаюцца самі сабе. Адпаведна, у гэты перыяд надзвычай важная мабілізацыя сіл усіх службаў, тым больш калі справа тычыцца сем'яў, у якіх маюцца факты неўладкавання або растуць цяжкія падлеткі. Таму традыцыйна напярэдадні зімовых святаў у аблвыканкаме праходзіць сумесным пасяджэнне абласной камісіі па справах непаўналетніх і каардынацыйнага савета па Дэкрэце Прэзідэнта Рэспублікі Беларусь №18 «Аб дадатковых мерах па дзяржаўнай абароне дзяцей у неўладкаваных сем'ях».

– Нягледзячы на тое, што ўжо завяршаецца 10-ы год рэалізацыі дэкрэта, вастрыня праблемы абароны правоў дзяцей менш не становіцца. І гэта не таму, што няма сістэмы ў працы. Як раз за гэты перыяд у нас выбудавана дастаткова стройная сістэма ў дзейнасці дзяржорганаў. Аднак самым важным з'яўляецца своечасовае выяўленне сямейнага неўладкавання, – падкрэсліла намеснік старшыні камісіі па справах непаўналетніх аблвыканкама Тамара Алехновіч.

Аб'яднанне намаганняў усіх службаў надзвычай важнае ў выяўленні праблемных сем'яў. Гэтаму павінен спрыяць рэгламент па раннім выяўленні неўладкаваных умоў жыцця дзяцей, які дзейнічае на Віцебшчыне з 1 верасня і аб'ядноўвае 12 ведамстваў. Згодна з дакументам, нагрузка ў няпростай справе кладзецца на плечы не толькі педагогаў, медыкаў і праваахоўнікаў, але і работнікаў ЖКГ, энерганагляду, энергазбыту, райгаз, якія, заўважыўшы фактары неўладкавання, неадкладна паведамляюць пра гэта ў мясцовы аддзел адукацыі.

– Увядзенне дадзенага рэгламенту актывізавала працу па раннім выяўленні сямейнага неўладкавання, – сказала Тамара Алехновіч. – За 11 месяцаў бягучага года ад усіх інфарматараў паступіла больш за 6 тыс. паведамленняў. Вядома, асноўнымі па-ранейшаму з'яўляюцца органы ўнутраных спраў, суды, якія разглядаюць справы аб адміністрацыйных правапарушэннях нядбайных бацькоў, ахова здароўя. Але вельмі важна, што ў гэту працу ўключыліся і

іншыя службы, прадугледжаныя рэгламентам. У якасці прыкладу магу прывесці Докшыцкі, Аршанскі, Полацкі, Гарадоцкі, Лепельскі раёны, у якіх сігналы аб нездаровай сітуацыі актыўна паступаюць ад энергетыкаў. Кожную інфармацыю мы успрымаем як сігнал да правядзення сацыяльнага расследавання, высвятлення прычын узніклых даўгавых абавязацельстваў за карыстанне камунальнымі паслугамі, неабходнасць умяшання сацыяльных службаў і дзяржорганаў, каб у сям'і нармалізавалася сітуацыя.

Такім чынам, відавочна, што толькі зладжаная праца ўсіх механізмаў можа забяспечыць паспяховую рэалізацыю Дэкрэта №18. Каб дзеці не траплялі ў складаныя жыццёвыя сітуацыі, а атрымлівалі асалоду ад бесклапотнага часу у любячых сем'ях каля ўтульнага хатняга ачага.

Наталля Рыжкова, «Віцебскія весці». Фота з адкрытых крыніц.