У Віцебскай вобласці зацверджана інвестпраграма на 2018 год
Усяго на рэканструкцыю, будаўніцтва і праектаванне аб'ектаў камунальнай уласнасці па праграме прадугледжваецца інвесціраваць амаль Br51 млн за кошт сродкаў абласнога бюджэту і рэспубліканскіх субвенцый. З іх каля Br26,4 млн мэтавыя і будуць накіраваны на будаўніцтва аб'ектаў інжынерна-транспартнай інфраструктуры, новых вулічных размеркавальных газаправодаў і інш. Інвестпраграма на 2018 год носіць сацыяльную накіраванасць, падкрэсліў Ігар Ісачэнка. З гэтай мэтай усе фінансавыя сродкі сканцэнтраваны на аб'ектах з высокай ступенню гатоўнасці, каб увесці іх у строй у наступным годзе.
Так, фінансаванне на сферу жыллёва-камунальных паслуг і жыллёвага будаўніцтва складзе Br10 млн. На ахову здароўя запланавана Br9,6 млн, за кошт якіх трэба будзе завяршыць рэканструкцыю хірургічнага корпуса №2 абласнога анкадыспансера, цэнтральнай раённай бальніцы ў Міёрах, паліклінікі Паўднёвая-7 у мікрараёне Білева ў Віцебску. Асноўным праектам у сферы фізічнай культуры і спорту стане будаўніцтва ў Віцебску спецыялізаванай залы для скачкоў на батуце. Аб'ём фінансавання на гэтыя мэты складзе Br4 млн.
У сферы агульнадзяржаўнай дзейнасці праграмай прадугледжваецца выдзяленне Br742,2 тыс. для будаўніцтва спальнага корпуса ДРАЦ "Жамчужына" у Лепельскім раёне. Акрамя таго, у інвестыцыйную праграму ўключаны пералік з больш чым 60 аб'ектаў, якія будуць фінансавацца на працягу года па меры выканання бюджэту вобласці. Найбольш важныя сярод іх - рэканструкцыя вуліцы Гагарына (Віцебск), Полацкага пуцеправода, працяг будаўніцтва пр.Будаўнікоў з вывадам яго на мікрараён Білева. "Гэта вельмі важны праект са срокам выканання на 2019 год. Фінансаванне на наступны год плануецца ў аб'ёме Br4,7 млн. Рэалізацыя праекта дазволіць істотна разгрузіць транспартныя патокі і значна"палегчыць жыццё жыхароў мікрараёна", - адзначыў Ігар Ісачэнка.