У Віцебскай вобласці ў двух школах прыпынена вучоба з-за ВРІ

У Віцебскай вобласці навучальны працэс прыпынены ў дзвюх установах адукацыі з-за ўздыму захворвання на вострыя рэспіраторныя інфекцыі, паведамілі карэспандэнту БЕЛТА ў Віцебскім абласным цэнтры гігіены, эпідэміялогіі і грамадскага здароўя.

У мэтах раз'яднання навучэнцаў рашэннямі аддзелаў адукацыі часова прыпынены заняткі ў сярэдняй школе №22 г.п. Балбасава (Орша) і полацкай гімназіі №1.

У Віцебскай вобласці адзначаецца сезонны ўздым захворвання. У этыялагічнай структуры вострых рэспіраторных інфекцый пераважаюць негрыпавыя рэспіраторныя вірусы - адэнавірус і рэспіраторна-сінцыяльны вірус. У мэтах прафілактыкі захворвання ў адпаведнасці з распрацаванымі тэрытарыяльнымі планамі праводзіцца комплекс мерапрыемстваў, супрацоўнікі ўстаноў аховы здароўя ўзмацнілі інфармацыйную працу з насельніцтвам. У цэлым сітуацыя знаходзіцца на пастаянным кантролі, адзначылі спецыялісты.

фота: medik.org.ua