У Віцебскай абласной бібліятэцы адкрыецца электронны рэсурс «Афганістан. Без права на забыццё»
15 лютага на сайце ДУ «Віцебская абласная бібліятэка імя У. І. Леніна» будзе актываваны электронны рэсурс «Афганістан. Без права на забыццё», створаны да 25-годдзя вываду савецкіх войскаў з Афганістана і прысвечаны воінам-інтэрнацыяналістам Віцебшчыны.
Рэсурс уяўляе сабой камбінаваную базу даных і з'яўляецца вынікам рэалізацыі сумеснай праекта ДУ «Віцебская абласная бібліятэка імя У. І. Леніна», Віцебскай абласной арганізацыі ГА «Беларускі саюз ветэранаў вайны ў Афганістане», Віцебскага гарадскога музея воінаў-інтэрнацыяналістаў.
Пры падрыхтоўцы базы даных выкарыстаны поўнатекставыя матэрыялы, фотадакументы з фондаў удзельнікаў праекта, а таксама асабістых архіваў воінаў-афганцаў. Персаніфікаваныя звесткі пра воінаў-афганцаў прадастаўлены раённымі ваеннымі камісарыятамі Віцебскай вобласці і Віцебскім аб'яднаным гарадскім ваенным камісарыятам.
Электронны рэсурс «Афганістан. Без права на забыццё» будзе абнаўляцца па меры паступлення новай інфармацыі пра падзеі і ўдзельнікаў афганскай вайны. Запрашаем усіх зацікаўленых асоб да супрацоўніцтва па ўдакладненні звестак і далейшым напаўненні базы даных.
Афіцыйная прэзентацыя рэсурсу «Афганістан. Без права на забыццё» адбудзецца 20 лютага а 14.00 у ДУ «Віцебская абласная бібліятэка імя У.І. Леніна». Уваход вольны.