У Віцебскім абласным радзільным доме маладых матуль павіншавалі з 8 Сакавіка
У гэты дзень і будучым мамам, якія знаходзяцца ў чаканні галоўнай падзеі ў іх жыцці, і тым, хто ўжо нарадзіў малышоў, былі адрасаваны самыя цёплыя словы віншаванняў, пажаданні дабра і шчасця і ўручаны кветкі.
– Заўсёды прыемна выконваць такую ганаровую місію, бо за гэтай падзеяй, якая адбылася або вось-вось адбудзецца ў жыцці кожнай з вас, галоўнае: нашых беларускіх дзетак становіцца больш, – адзначыў Вячаслаў Дурноў. – А гэта выдатна. Асабліва прыемна віншаваць мам, якія ў гэтыя перадсвяточныя дні на парозе вясны зрабілі сваім блізкім галоўны падарунак – нарадзілі новых членаў сям'і. Свяцяцца твары ў мам, пяшчотным святлом ззяюць твары нованароджаных дзетак, дома іх чакаюць родныя, каб акружыць любоўю і цяплом, якіх яны заслугоўваюць. Моцнага здароўя вам і вашым малышам!
Як паведаміла прадстаўнікам СМІ галоўны ўрач абласнога радзільнага дома дэпутат Віцебскага гарадскога Савета дэпутатаў Алена Леановіч, на сённяшні дзень 60% родаў – гэта тыя, хто прыйшоў ва ўстанову аховы здароўя за другім і трэцім дзіцем.