У Віцебскім аблвыканкаме ўшанавалі трыумфатараў кантынентальнага чэмпіянату і першынства па скачках на батуце

В Витебском облисполкоме чествовали триумфаторов континентального чемпионата и первенства по прыжкам на батуте
— Да, дасягненням нашых скакуноў на батуце немагчыма прывыкнуць, хоць такія сустрэчы мы праводзім са зваротнай рэгулярнасцю. У сакавіку нашы спартсмены заваявалі медалі на першым этапе Кубка свету ў Баку, цяпер – паспяхова выступілі ў Вальядалідзе. Усе нашы хлопцы пацвердзілі свой клас, цяпер будзем спадзявацца, што яны паспяхова выступяць на Алімпіядзе ў Рыа-дэ-Жанейра, — адзначыў старшыня абласнога Савета дэпутатаў, старшыня прадстаўніцтва Нацыянальнага алімпійскага камітэта ў Віцебскай вобласці Уладзімір Церанцьеў.


Ва ўрачыстай абстаноўцы Уладзімір Уладзіміравіч уручыў тэхнічныя пашпарты на новыя трэнажоры і грашовыя сертыфікаты спартсменам і іх настаўнікам.


— Нягледзячы на еўрапейскі статус спаборніцтваў, канкурэнцыя была настолькі ж высокай, як і на чэмпіянаце свету, так што перамогі даліся нялёгка. Праграму, з якой выступаў у індывідуальных скачках, планую ўскладніць для выступлення на Алімпійскіх гульнях, — распавёў уладальнік двух залатых медалёў чэмпіянату Еўропы Уладзіслаў Ганчароў. 

Сустрэча завяршылася чаяваннем у цёплай абстаноўцы.

Дзмітрый КОНАХАЎ. Фота Алега КЛІМОВІЧА. "Віцьбічы".