У Віцебскім аблвыканкаме ўшанавалі ветэранаў працы, заслужаных людзей вобласці і тых, хто сёння прымнажае яе патэнцыял
-- Вашы заслугі – гэта не мінулы трыумф. Гэта слава, вопыт, які вы напрацоўвалі гадамі. Менавіта вы закладвалі цэглу да цэглы дабрабыт вобласці, які мы сёння маем, -- з такімі словамі звярнуўся старшыня Віцебскага аблвыканкама Аляксандр Субоцін да прысутных. – Падкрэсліваючы важнасць моманту, мы пачынаем урачыстасці менавіта з вас, каб паказаць, што вы самыя галоўныя, і сёння – ваш дзень. Кажам чарговы раз вам дзякуй за працу, намаганні, нарэшце, здароўе, якія вы ўклалі ў справу служэння нашай Радзіме.
Затым у зале пасяджэнняў абласнога Савета дэпутатаў адбылося ўзнагароджанне ў гонар 85-годдзя адукацыі Віцебскай вобласці тых, хто сёння прымнажае патэнцыял Віцебшчыны.
Старшыня Палаты прадстаўнікоў Нацыянальнага сходу Рэспублікі Беларусь Уладзімір Андрэйчанка, які сам па праву адносіцца да тых, хто спрыяў развіццю Віцебшчыны, будучы з 1994 па 2008 год старшынёй аблвыканкама, павіншаваў прысутных у зале, адзначыў складаны і годны шлях, пройдзены паўночным рэгіёнам краіны, і яго вялікі патэнцыял.
-- Сёння гэта высокаразвіты рэгіён Рэспублікі Беларусь. Мы, віцябляне, ганарымся тым, што ў нас унікальная прырода, традыцыі, ганарымся імёнамі вялікіх асветнікаў, мастакоў, паэтаў, -- адзначыў Уладзімір Андрэйчанка. -- Вялікае вызначальнае значэнне мае Віцебшчына і ў развіцці эканомікі краіны. Гэта такія гіганты, як «Нафтан», Аршанскі льнокамбінат, Лукомльская ГРЭС, нашы абутковыя прадпрыемствы -- гэта брэнды Віцебскай вобласці і краіны. Гэта таксама і сельгаспрадпрыемствы, бройлерная птушкафабрыка, агракамбінат «Юбілейны», прыватнае прадпрыемства «Вітконпрадукт», «Маяк Браслаўскі» і многія іншыя. Вельмі вялікую ўвагу Віцебскай вобласці надае Прэзідэнт Беларусі, таму што ён наш зямляк. І дзякуючы гэтай увазе, а таксама вашай працы, паважаныя ветэраны, моладзь, перадавікі вытворчасці, наша краіна і вобласць развіваюцца і становяцца прыгажэйшымі і прыгажэйшымі. Гісторыю робяць людзі. І прыемна, што сёння ў гэтай зале перадавікі Віцебскай вобласці, якім я ад імя кіраўніцтва краіны кажу вялікі дзякуй за працу, старанні, перадавы вопыт. Таму што перадавы вопыт -- гэта аснова для росту, рэалізацыі новых праграм, праектаў. Разам з тым перадавы вопыт кажа пра тое, што ў нас ёсць яшчэ шмат нерэалізаваных магчымасцей, а патэнцыял у Віцебшчыны вялікі -- як у сельскай гаспадарцы, так і ў галіне прамысловай вытворчасці. Хачу ў Год міру і стварэння падзякаваць вас за працу і пажадаць, каб у гэты няпросты час мы былі адзіныя, а таксама міру, здароўя, дабрабыту кожнаму і поспехаў у імя працвітання Беларусі.
Адбыліся паказ фільма пра Віцебскую вобласць і ўзнагароджанне кіраўнікоў і простых працаўнікоў ганаровымі граматамі, падзякамі высокага рэспубліканскага ўзроўню.
