У Віцебскім раёне прайшла II Спартакіяда работнікаў органаў дзяржаўнага кіравання вобласці
У прымежным паселку Лужасна, што пад Віцебскам, на базе кадэцкага вучылішча прайшлаII Спартакіяда работнікаў органаў дзяржаўнага кіравання вобласці.
Да ўдзелу ў спаборніцтвах дапускаліся каманды дзяржаўных служачых аблвыканкама, гарадскіх і раённых выканаўчых камітэтаў, адміністрацый раёнаў абласнога цэнтра, гарадскіх раённых, сельскіх і пасялковых Саветаў дэпутатаў.
Адкрываючы мерапрыемства, старшыня аблвыканкама Мікалай Шарстнёў падкрэсліў, што каманды рыхтаваліся вельмі сур'ёзна. Кіраўнік рэгіёну адзначыў: асаблівасць работнікаў дзяржсакратарыята (людзей, «асноўныя інструменты якіх крэсла, стол і ручка»), якія з раніцы да вечара на службе і прыходзяць дадому стомленымі – малаподвижность. І сваім прыкладам яны павінны паказаць, што здаровы лад жыцця – тая аснова, на якой трымаецца грамадства. Спорт і фізічная культура – гэта сапраўды сіла духу, крэпасць характару і цвёрдасць волі. Мікалай Мікалаевіч нагадаў прысутным аб тых перамогах, якімі нас парадавалі ў апошні час атлеты Віцебшчыны.
А потым усіх захапіў віхор барацьбы (дарэчы, каманды ўжо за некалькі месяцаў да дадзенай імпрэзы пачалі актыўную падрыхтоўку да яе, праводзілі адборачныя спаборніцтвы).
Плаванне і валейбол, кіданне дартса і конкурс на дакладны кід мяча ў баскетбольнае кальцо, стральба і настольны тэніс, перамогу ў якім,
дарэчы, святкаваў кіраўнік Шумілінскага раёна, які прымаў першую спартакіяду, Аляксандр Снароў…
Сапраўднай ізімінкай спаборніцтваў сталі футбольныя баталіі «Усход» – «Захад», дзе на поле са штучным пакрыццём установы адукацыі выйшлі кіраўнікі раёнаў. Гульня атрымалася на заглянне: мора эмоцый, барацьбы, не абышлося і без траўм – усё як у сапраўдным спорце. І хоць трыбуны актыўней балелі за прадстаўнікоў заходніх раёнаў Прыдзвіння, але з «хакейным» лікам 4:3 перамаглі футбалісты «Усходу». Зрэшты, паняцці «пераможцы» і «пераможаныя» ў такой высакароднай справе, вядома, чыста намінальныя. Другі раз запар пальма першынства дасталася дружыне аблвыканкама. Важна, каб за ёй пацягнуліся ўсе астатнія, і тады перамога здаровага ладу жыцця ў нашым грамадстве будзе забяспечана.
Дарэчы, арганізатары мерапрыемства падзяліліся інфармацыяй, што спектр напрамкаў у спорце будзе пашырацца. Рыхтуецца сур'ёзная праграма, каб задзейнічацьмагчымая колькасць кіраўнікоў у розных відах.
Алесь Бынькоў, «Віцебскія весці». Фота Дзмітрыя Восіпава, "Віцебскія весці" і Аляксандра Хітрова, БелТА.