Вафельныя трубачкі са згушчонкай пачнуць выпускаць у полацкім філіяле КВУ «Віцебскі кандытарскі камбінат «Віцьба»

Каб асвоіць вытворчасць гэтай прадукцыі, прадпрыемству на тэхнічнае перааснашчэнне спатрэбілася каля 2,5 мільярда рублёў. Для параўнання, летась філіялам было асвоена ўсяго 900 мільёнаў інвестыцый.

Выраб, які паступіць у продаж у сакавіку наступнага года, -- гэта новы прадукт са здобнага бездражджавога цеста ў выглядзе трубачкі, згорнутай з вафельнага ліста з начынкай унутры, якая складаецца з напаўняльніка на аснове варанага згушчонкі -- такія ў нашым дзяцінстве пяклі мамы і бабулі. Ласунак абавязкова запакуюць у індывідуальную маляўнічую плёнку, каб даўжэй захаваць яго свежасць.

Каб асвоіць вытворчасць гэтай прадукцыі, прадпрыемству на тэхнічнае перааснашчэнне спатрэбілася каля 2,5 мільярда рублёў. Для параўнання, летась філіялам было асвоена ўсяго 900 мільёнаў інвестыцый.

Літаральна днямі вядучы тэхнолаг філіяла і галоўны інжынер КВУ «Віцебскі кандытарскі камбінат «Віцьба» вярнуліся з Германіі, дзе наша прадпрыемства закупляе асноўнае абсталяванне -- вафельную печ. Акрамя таго, ужо набыта астатняя тэхніка, якія ўваходзяць у склад лініі па вытворчасці вафельных трубачак , -- распавядае дырэктар полацкага філіяла Аляксей Гаравы. -- На другім паверсе, дзе наладжана вытворчасць вафель, мы падрыхтавалі пляцоўку для новай лініі. Правялі маштабны рамонт, замянілі ўсю электраправодку, бо магутнасці з прыходам новай печы вырастуць.

Нягледзячы на тое, што ў вафельнай трубачцы начынка -- на аснове варанага згушчонкі, яна будзе мець некалькі розных смакаў. Якія яшчэ інгрэдыенты дададуць туды, пакуль не вядома. Хутчэй за ўсё, не абыдзецца без арэхавага і карамельнага смакаў. Сёння тэхнолагі актыўна займаюцца распрацоўкай рэцэптур. Бо зусім хутка на полацкім філіяле кандытарскага камбіната ўсталююць абсталяванне і пачнуць асвойваць інавацыйны прадукт.

На прадпрыемстве працягваецца выпуск і традыцыйных вырабаў: пернікаў, печыва, вафель. У бягучым годзе 500 мільёнаў рублёў было інвеставана ў мадэрнізацыю вытворчасці пернікаў. У 2011-м на прадпрыемстве набылі сеткаваты транспарцёр, у гэтым – фасовачны аўтамат. Чакаюць на філіяле КУП «ВКК «Віцьба» халадзільны тунэль. У комплексе рэалізацыя гэтых мерапрыемстваў дазволіць цалкам аўтаматызаваць цыкл вытворчасці пернікаў.

У бягучым годзе на прылаўках крам з'явіліся новыя вафлі «Фруктоша» на аснове яблычнага пюрэ з трыма рознымі смакамі -- карыцай, малінай, чорнай парэчкай, і столькі ж відаў печыва «Аўсяначка» па-дамашняму: з кунжутам, семечкамі, шакаладам, якія вырабляюцца філіялам.

У снежні будзе асвоена вытворчасць печыва аўсянае «Забота» на фруктозе, пернікаў «Полачанка» з даданнем натуральнай клятчаткі: класічныя, арахісавыя, фруктовыя і са смакам мяты. Варта адзначыць, што пшанічная клятчатка дазволіць палюбіўшымся вырабам даўжэй заставацца свежымі. Спадзяемся, што навінкі прыйдуцца па густу нашым спажыўцам.

Тэкст і фота Анастасіі БУТ, «ВР».