Вясновы лёд не даруе бестурботнасці!

Не за гарамі вясна, а значыць, хутка доўгачаканае пацяпленне, яно на вадаёме прыносіць яшчэ большую небяспеку для чалавека. Менавіта пра гэта хацелася б нагадаць.

Няшчасныя выпадкі адбываюцца з-за невыканання людзьмі элементарных правілаў засцярогі. Адны гэтых правілаў не ведаюць, іншыя ж імі грэбуюць. Між тым падчас вясновай паводкі яны павінны выконвацца кожным чалавекам. Агульнавядома, што пад уздзеяннем вясновага сонца лёд становіцца друзлым і нятрывалым, хоць знешне ён здаецца моцным. Пад такі лёд можна лёгка праваліцца.

У перыяд паводкі вельмі небяспечныя кар'еры, дробныя вадаёмы. Вада ў іх падымаецца, запаўняе вадаём, і там, дзе напярэдадні яшчэ было дробна, на другі дзень глыбіня можа рэзка павялічыцца, што ўяўляе вялікую небяспеку.

Падчас вясновых канікул у дзяцей шмат вольнага часу, які яны могуць выкарыстоўваць для карысных спраў. Але дзеці спяшаюцца на сажалку, да ракі, каб у апошні раз пакатацца на каньках, спусціцца з крутога берага на санках, цюбінгах або проста пагуляць на лёдзе. З пачаткам ледаходу школьнікі збіраюцца на беразе ракі, спрабуюць прайсці па лёдзе і нават забрацца на плывучую льдзіну. Усё гэта звязана з вялікай рызыкай і небяспекай для жыцця. Катанне на льдзінах, бярвёнах, плытах нярэдка прыводзіць да трагічных наступстваў.

Дзеці не заўсёды ўсведамляюць небяспекі, якія іх чакаюць, вось чаму часцей за ўсё няшчасныя выпадкі адбываюцца з дзецьмі. Адказ за жыццё і здароўе дзяцей, асабліва ў перыяд школьных канікул, калі ў іх асабліва шмат вольнага часу, ляжыць на Вас, паважаныя бацькі.

Памятайце і раскажыце сваім дзецям:

· на вясновым лёдзе лёгка праваліцца;

· хутчэй за ўсё працэс распаду лёду адбываецца ля берагоў;

· вясновы лёд, пакрыты снегам, хутка ператвараецца ў друзлую масу.

              Дарослыя! Не пакідайце дзяцей без нагляду!

Раскажыце дзецям пра правілы паводзін у перыяд паводкі, забараняйце ім сваволіць ля вады, спыняйце ліхалецце. Адарваная льдзіна, халодная вада, хуткае цячэнне пагражаюць гібеллю.

  У перыяд вясновай паводкі і ледаходу ЗАБАРАНЯЕЦЦА:

·  выходзіць на вадаёмы;

·  перапраўляцца праз раку ў перыяд ледаходу;

·   падыходзіць блізка да ракі ў месцах затору лёду;

·   стаяць на абрывістым беразе, які падвяргаецца разліву і абвалу;

·   збірацца на мастках, плацінах і дамбах;

·   набліжацца да ледзяных затораў, адштурхоўваць ільдзіны ад берагоў;

·   вымяраць глыбіню ракі ці любога вадаёма;

·   хадзіць па ільдзінах і катацца на іх.

 

ДЗЕЦІ І ДАСРОСЛЫЯ, ЗАХОЎВАЙЦЕ ПРАВІЛЫ ПАВОДЗІН НА ВОДНЫХ АБ'ЕКТАХ, ВЫКАНАННЕ ЭЛЕМЕНТАРНЫХ МЕР АСТОРОЖНАСЦІ — ЗАЛОГ ВАШАЙ БЯСПЕКІ! 

ЗАХОЎВАЙЦЕ ПРАВІЛЫ ПАВОДЗІН НА ВАДАЁМАХ У ЧАС ТАЯННЯ ЛЁДУ, РАЗЛІВУ РЭК І АЗЁР!