VIII выстава-кірмаш «Віцебшчына – за здаровы лад жыцця-2015» пройдзе ў Віцебску з 9 па 11 верасня

Традыцыйны штогадовы форум у чарговы раз прадэманструе магчымасці, методыкі, сучасныя тэхналогіі, якімі распараджаецца айчынная медыцына.

Паколькі сёння існуе мноства спосабаў захавання і падтрымання здароўя, выстава прадугледжвае падзел удзельнікаў па тэматычных блоках. Так, напрыклад, асаблівае месца займаюць напрацоўкі ў сферы прафілактыкі сардэчна-сасудзістых, анкалагічных, страўнікава-кішачных, эндакрынных і іншых не менш важных захворванняў. Частка выставы прысвечана здароваму харчаванню, фітапрэпаратам, біявітамінным і мінеральным комплексам, агульнаўмацавальным і натуральным лячэбным сродкам. Асобнае напрамак – спартыўны інвентар, турыстычныя, аздараўленчыя, рэабілітацыйныя і фітнес-паслугі, што сёння набірае папулярнасць у людзей, якія вядуць актыўны лад жыцця.

Усё гэта будзе сабрана на адзінай пляцоўцы (КЗ «Віцебск») і аб'яднана агульнай мэтай – папулярызацыя здаровага ладу жыцця і інфармаванне насельніцтва аб тым, як і дзе можна ўмацаваць свой арганізм. Арганізатарамі мерапрыемства выступаюць Віцебскі аблвыканкам, абласны цэнтр гігіены, эпідэміялогіі і грамадскага здароўя і Віцебскае аддзяленне Беларускай гандлёва-прамысловай палаты. Да ўдзелу ў выставе запрошаны прадпрыемствы Беларусі, Расіі і іншых краін блізкага і далёкага замежжа.

Наталля Рыжкова, "Віцебскія весці".