Віцябляне Марына і Дзяніс Кулаковы сталі лепшай шматдзетнай сям'ёй вобласці
Дружныя, згуртаваныя, творчыя, яркія, якія стаяць адзін за аднаго гарой, яны могуць смела казаць, што шмат дзяцей - гэта шчасце. Усе яны розныя, але іх аб'ядноўвае галоўнае: разам яны - зладжаны сямейны акорд, у якім усе ноты гучаць гарманічна.
У двух конкурсах ("Радавод", "Мая сям'я - мая краіна") бацькі і іх дзеці распавядалі пра сябе і сваіх продкаў, ад якіх атрымалі запавет - любіць сям'ю і родны край. Радаводныя традыцыі многія шануюць свята. Так, аршанцы Вольга і Юрый Кандраценкі захоўваюць рушнік, якому ўжо 124 гады, яго дастаюць толькі па святах, ім дабраслаўляюць дзяцей у далёкую дарогу. Дарэчы, мастацтва стварэння аднаго з галоўных беларускіх сімвалаў перадаюць з пакалення ў пакаленне, і кожнае ўносіць у традыцыйны ўзор свой арнамент.
Канкурсанты падзяліліся сакрэтамі, як захаваць у доме лад і ўзаемаразуменне, раскрылі свае творчыя здольнасці і распавялі, адкуль бяруцца дзеці. Аказваецца, дачок-цукерак прывозяць з кандытарскай, тыя адразу пачынаюць камандаваць парадам, і нават доблесныя бацькі-афіцэры з задавальненнем выконваюць іх загады.
Несумненна, усе сем'і паказалі свае лепшыя бакі і былі годныя галоўнай узнагароды, але пераможца можа быць толькі адзін. Лепшай шматдзетнай сям'ёй вобласці сталі віцябляне Марына і Дзяніс Кулаковы з дочкамі Ксеніяй, Кірай і маленькай Сашэнкай. У кастрычніку яны прадставяць нашу вобласць у рэспубліканскім фінале.