Віцябляне сталі часцей звяртацца да ўрачоў з нагоды халадавых траўмаў па тэлефоне

23 студзеня, Віцебск /Вольга Багачова - БЕЛТА/. Віцябляне сталі часцей звяртацца да ўрачоў з нагоды халадавых траўмаў па тэлефоне, паведамілі карэспандэнту БЕЛТА ў траўматалагічным пункце Віцебскай гарадской бальніцы хуткай дапамогі. Сітуацыя з халадавымі траўмамі, нягледзячы на ўзмацненне ў апошнія дні маразоў, у Віцебску застаецца стабільнай. Так, за бягучы тыдзень у траўмапункт у сувязі з абмаражэннямі звярнуліся толькі 7 віцяблян. На мінулым тыдні такіх пацярпелых было яшчэ менш - усяго тры чалавекі. Урачы канстатавалі, што людзі, якія атрымалі халадавыя траўмы, сталі часцей звяртацца да кансультацый медыкаў па тэлефоне. Улік такіх званкоў не вядзецца, але штодня іх фіксуецца дастаткова вялікая колькасць. Не павялічылася за апошні час і колькасць пераломаў і ўшыбаў, звязаных з галалёдам. "У большай ступені гэтых траўмаў варта асцерагацца людзям у нецвярозым стане і наведвальнікам катоў, бо часта менавіта яны складаюць асноўную масу пацярпелых", - падкрэслілі ў траўмапункце.-0-