Віцяблянін Георгій Сладков свой 100-гадовы юбілей прысвячае Году 65-годдзя Перамогі
29 сакавіка, Віцебск /Вольга Багачова - БЕЛТА/. Удзельнік Вялікай Айчыннай вайны віцяблянін Георгій Сладков свой 100-гадовы юбілей прысвячае Году 65-годдзя Перамогі, паведамляе карэспандэнт БЕЛТА, якая пабывала ў гасцях у юбіляра.
"100 гадоў пражыць - не ручай перайсці", - жартуе ў свой дзень нараджэння імяніннік. Аднак, нягледзячы на салідную дату, цяжар гадоў Георгій Сцяпанавіч практычна не адчувае: "Адчуваю сябе ўсяго на 70, а пражыць збіраюся не менш за 120 гадоў, бо мой дзед пражыў 115!". Яго жыццёвае крэда: "Жыць трэба так, каб і табе было добра, і людзям".
Сваю біяграфію былы ўдзельнік вайны памятае з дакладнасцю. Аднак гады вайны без слёз успамінаць не можа, гэты час для яго - як асобнае жыццё, прачытаць якую можна па шматлікіх медалях, якія ўпрыгожваюць парадны кіцель. Самая дарагая ўзнагарода - ордэн Чырвонай Зоркі, атрыманая пры баявых дзеяннях у Рызе.
Сёння павіншаваць паважанага юбіляра сабраліся не толькі родныя і блізкія, але і шматлікія сябры, прадстаўнікі ваеннага камісарыята, органаў улады. Ганаровую грамату за актыўны ўдзел у ветэранскім руху і грамадскім жыцці з самымі лепшымі пажаданнямі Георгію Сладкову ўручыў старшыня Віцебскага гарвыканкама Віктар Мікалайкін.
Як адзначылі ў камітэце па працы, занятасці і сацыяльнай абароне насельніцтва, па апошніх дадзеных, у Віцебскай вобласці пражываюць 62 жыхары, якія адзначылі 100-годдзе, з іх толькі 7 мужчын.
Акрамя таго, у ліку жыхароў рэгіёну - 6,7 тыс. ветэранаў Вялікай Айчыннай вайны, 668 членаў сем'яў загінуўшых і 9,8 тыс. былых вязняў фашысцкіх канцлагераў. Пытанні сацыяльна-бытавога і медыцынскага абслугоўвання гэтай катэгорыі грамадзян знаходзяцца на пастаянным кантролі ў мясцовых органаў улады. Так, у 2009 годзе былі палепшаны жыллёвыя ўмовы 26 ветэранаў. Усяго з 2005 года жыллё атрымалі 312 інвалідаў і ўдзельнікаў вайны. Цалкам задавольваюцца заяўкі на санаторна-курортнае лячэнне. Больш за 5,3 тыс. ветэранаў і іх сем'яў ахоплены шэфскай дапамогай членаў БРСМ.-0-