Віцебск упершыню ў 2012 годзе атрымаў станоўчае сальда турыстычных паслуг
Віцебск упершыню ў 2012 годзе атрымаў станоўчае сальда турыстычных паслуг і зарабіў на ўязным турызме звыш $3,2 млн., паведамілі карэспандэнту БЕЛТА ў Віцебскім гарвыканкаме.
Станоўчае сальда турыстычных паслуг склалася ў памеры $2,4 млн. Як падкрэслілі ў гарвыканкаме, дамагчыся гэтага ўдалося пры растучых тэмпах выязнога турызму: жыхары Віцебска не сталі менш выязджаць на адпачынак, а вось гасцей у абласным цэнтры стала больш. Рэканструяваны цэнтр Віцебска з пешаходнымі вулачкамі, прыгожымі набярэжнымі і даволі развітой інфраструктурай адпачынку становіцца ўсё больш прывабным для турыстаў, у тым ліку замежных.
Турыстычныя паслугі ў агульным аб'ёме экспарту паслуг займаюць 8,2% і ўваходзяць у пяцёрку найбольш запатрабаваных у замежнікаў. Аб'ёмы экспарту паслуг у 2012 годзе ў 1,7 раза павялічыў турысцка-гасцінічны комплекс "Віцебск Оцель", у 2,8 раза - "Турфірма "Ілва", у якой адным з асноўных напрамкаў дзейнасці з'яўляецца арганізацыя ўязнога турызму.
У цэлым па горадзе тэмп росту экспарту паслуг па выніках 11 месяцаў 2012 года перавысіў 130%. Найбольшую ўдзельную вагу ў экспарце паслуг прыпадае на транспартныя - больш за 40%, будаўнічыя - звыш 26%. Па папярэдніх даных, сальда знешняга гандлю паслугамі па выніках 2012 года складзе "мінус" $15 млн., па арганізацыях камунальнай формы ўласнасці і без ведамаснай падпарадкаванасці - "плюс" $8 млн.