Віцебская міліцыя праводзіць праверку па адмененых шоў "Аперацыя "Новы Год!"

4 студзеня, Віцебск /Вольга Багачова - БЕЛТА/. РАУС Першамайскага раёна Віцебска праводзіць праверку па адмененых шоў "Аперацыя "Новы Год!", паведаміў карэспандэнту БЕЛТА начальнік РАУС Алег Церашчанка. З чатырох запланаваных 2-3 студзеня выступленняў артыстаў і жывёл Кастрамской гарадской грамадскай арганізацыі "Асацыяцыя студэнтаў" у Віцебскім палацы спорту адбылося толькі адно ў 12.00 2 студзеня. Заявы ў сувязі з адменай астатніх трох шоў у Першамайскі РАУС паступілі ад трох бакоў. Абыякавыя да абяцанага відовішча гледачы (18 заяў па стане на 4 студзеня) патрабуюць вяртання выдаткаваных грошай на білеты, кошт якіх складаў Br15-50 тыс. Адміністрацыя Палаца спорту выказвае прэтэнзіі з нагоды якасці і аб'ёму ўбачанага прадстаўлення, а расійскія артысты - у сувязі з адменай шоў. Праверка пачалася 2 студзеня і будзе праводзіцца на працягу 10 дзён. У афішах шоў "Аперацыя "Новы Год!" былі заяўлены ліліпуты, ілюзіяністы, Дзед Мароз і Снягурка, блазны, мядзведзі-барыбалы, бабтэйлы, лапундеры, афрыканскія кракадзілы і оркі з паметай аб магчымай замене нумароў у праграме. -0-