Віцебская вобласць мае намер распрацаваць праграму падтрымкі творча адораных дзяцей

Віцебскай вобласці варта распрацаваць праграму па падтрымцы творча адораных дзяцей. Такую прапанову унёс сёння памочнік Прэзідэнта – галоўны інспектар па Віцебскай вобласці Аляксандр Пазняк на сесіі абласнога Савета дэпутатаў па пытаннях рэалізацыі асноўных напрамкаў закона аб культуры.

 

"У вобласці заснавана 16 прэмій для падтрымкі таленавітых дзяцей і моладзі, але няма праграмы, якую умоўна можна назваць "Адораныя дзеці Віцебшчыны", - канстатаваў памочнік Прэзідэнта. - Я пра гэта кажу, таму што вобласць сапраўды багатая на таленавітых дзяцей, але ў той жа час гэтыя таленты недастаткова прадстаўлены на рэспубліканскім узроўні. Таму лічу мэтазгодным распрацаваць такую праграму, у якой у тым ліку будзе прапрацавана і закладзена ўдзел прадстаўнікоў рэгіёна ў максімальнай колькасці рэспубліканскіх конкурсаў. Гэта будзе спрыяць і таму, каб віцебскія таленты, годна заявіўшы пра сябе ў Беларусі, выходзілі на міжнародны ўзровень".

 

Выканальніца абавязкаў начальніка галоўнага ўпраўлення ідэалагічнай работы, культуры і па справах моладзі аблвыканкама Ларыса Аленская адзначыла, што прапанова вельмі

актуальна. У рэгіёне напрацаваны агульны банк даных творча адораных дзяцей, патрэбна толькі фінансавая падтрымка. "Калі абласны Савет дэпутатаў зацвердзіць праграму, я думаю, што гэта будзе дастаткова моцны імпульс для прасоўвання талентаў", - рэзюмаваў Аляксандр Пазняк.

Алена Ціханава, БЕЛТА.