Віцебская вобласць выканала дзяржзаказ па пастаўцы збожжа

Віцебская вобласць выканала план па пастаўцы збожжа дзяржаве - на сённяшні дзень адгружана 125,1 тыс.т збожжа (100,1% да задання), паведамілі карэспандэнту БЕЛТА ў аддзеле рэсурсаў і гандлю дэпартамента па хлебапрадуктах Мінсельгасхарча. Гэта ўжо трэці рэгіён пасля Магілёўскай і Гомельскай абласцей, які справіўся з дзяржзаказам па збожжы. Усяго ў кошт рэспубліканскіх патрэб паступіла 973 тыс.т збожжа, што складае 98,3% да плана. У тым ліку 532,6 тыс.т пшаніцы, што на 10,5% больш за запланаванае, адзначылі спецыялісты. Прынята таксама 262,1 тыс.т жыта (87,4%) і 178 тыс.т іншых культур (85,6%). 23 жніўня, Мінск /Таццяна Лобас - БЕЛТА/. Віцебская вобласць выканала план па пастаўцы збожжа дзяржаве - на сённяшні дзень адгружана 125,1 тыс.т збожжа (100,1% да задання), паведамілі карэспандэнту БЕЛТА ў аддзеле рэсурсаў і гандлю дэпартамента па хлебапрадуктах Мінсельгасхарча. Гэта ўжо трэці рэгіён пасля Магілёўскай і Гомельскай абласцей, які справіўся з дзяржзаказам па збожжы. Усяго ў кошт рэспубліканскіх патрэб паступіла 973 тыс.т збожжа, што складае 98,3% да плана. У тым ліку 532,6 тыс.т пшаніцы, што на 10,5% больш за запланаванае, адзначылі спецыялісты. Прынята таксама 262,1 тыс.т жыта (87,4%) і 178 тыс.т іншых культур (85,6%). Што тычыцца іншых рэгіёнаў, то найбольш блізкія да выканання дзяржзаказу гаспадаркі Гродзенскай вобласці, якія ўжо перадалі 180,9 тыс.т збожжа - 97,8% да плана. Дзяржзаказ тут складае 185 тыс.т. Якаснае збожжа ў гэтым рэгіёне ёсць, гаспадаркі рыхтуюць яго да адпраўкі на элеватары. Сельгасарганізацыі Мінскай вобласці адгрузілі 216,6 тыс.т (96,3%). Ім засталося перадаць на нарыхтоўчыя пункты ў агульным аб'ёме 9,4 тыс.т. Гаспадаркі Брэсцкай вобласці адгрузілі 158,6 тыс.т збожжа - гэта дазволіла ім выканаць свой дзяржзаказ на 96,1%. Неабходна паставіць яшчэ 6,4 тыс.т збожжа. Па разліках спецыялістаў, дзяржзаказ рэгіёнамі будзе выкананы ў бліжэйшыя дні. У цяперашні час засталося закрыць план па пастаўках жыта і іншых культур. Неабходна адгрузіць яшчэ адпаведна па 37,9 тыс.т і 30 тыс.т. Цяпер гаспадаркі дапрацоўваюць збожжа да неабходных кандыцый. Адбіраюцца лепшыя партыі па якасных параметрах. У бліжэйшы час усё ўвага будзе нададзена пастаўцы збожжа крупяных культур. Аграрыі ўжо прыступілі да ўборкі грэчкі і проса. З запланаваных 34 тыс.га грэчкі ўбрана 5,5 тыс.га. Пры ўраджайнасці 16 ц/га намалочана 6 тыс.т збожжа. Пасля ачысткі і дапрацоўкі збожжа яно будзе перадавацца на нарыхтоўчыя пункты.-0-