Віце-каралевай у фінале міжнароднага конкурсу "Каралева Вясна-2014" стала студэнтка з Віцебску
Студэнтка Віцебскага тэхналагічнага ўніверсітэта Ганна Мядзялец стала ўладальніцай тытула першай віцэ-каралевы ў фінале ХХIII Міжнароднага міжвузаўскага конкурсу грацыі і артыстычнага майстэрства «Каралева Вясна-2014».
Шоу адбылося 6 ліпеня ў Чыце Забайкальскага краю РФ падчас правядзення міжнароднага фестывалю
«Студэнцкая вясна краін Шанхайскай арганізацыі супрацоўніцтва».Першае месца і карону пераможцы атрымала расіянка, а трэцяй стала прадстаўніца Кітая.
Наша зямлячка з'яўляецца ўладальніцай тытула
«Каралева Вясна Беларусі». Разам з ёй гонар краіны адстойвалі першая віцэ-міс Марына Цундэр з Брэста і другая віцэ-міс Анастасія Капцюг, прадстаўніца аднаго са сталічных ВНУ.Дарэчы, упершыню за час правядзення конкурсу яго фінал прайшоў у Расіі. Выдатныя ўдзельніцы дэманстравалі камунікабельнасць, веданне этыкету, сцэнічную культуру, пачуццё гумару, грацыю, інтэлектуальныя і творчыя здольнасці.
Сёлета за карону змагаліся самыя грацыёзныя і артыстычныя студэнткі з Беларусі, Расіі, Венесуэлы, Індыі, Казахстана, Кітая, Кыргызстана, Манголіі і Узбекістана.
Кацярына Князева, "Віцебскія весці"