Віцебская мытня ў I квартале канфіскавала незаконна перамешчаных тавараў на суму больш за Br4,5 млрд.

13 мая, Віцебск /Сяргей Кочатаў - БЕЛТА/. Віцебская мытня ў студзені-сакавіку выканала план па даходах у рэспубліканскі бюджэт на 101,6%, паведамілі карэспандэнту БЕЛТА ў мытні. У структуры плацяжоў найбольшую долю займае падатак на дабаўленую вартасць, яго ўдзельная вага склала амаль 62,3% у агульным аб'ёме паступленняў, на долю ўвазных мытных пошлін прыпадае каля 13,3% усіх плацяжоў. Мытныя плацяжы, якія спаганяюцца з фізічных асоб пры ўвозе тавараў для асабістага карыстання, склалі 13,4% у агульным аб'ёме паступленняў. Аддзелы праваахоўнага блока мытні выявілі амаль 100 адміністрацыйных мытных правапарушэнняў. За першы квартал канфіскавана незаконна перамяшчаемых тавараў і транспартных сродкаў на суму больш за Br4,5 млрд. Акрамя таго, памер адміністрацыйных штрафаў, накладзеных мытняй, склаў амаль Br68 млн. У студзені-сакавіку агульны аб'ём перавозак у зоне дзейнасці віцебскай мытні вырас амаль на 54%, у тым ліку колькасць экспартных перавозак павялічылася на 61%, імпарт узрос на 45% у параўнанні з аналагічным перыядам 2010 года.-0-