Віцебскі махляр набыў мабільнікаў на Br23 млн за чужы кошт

22 ліпеня, Віцебск /Вольга Багачова - БЕЛТА/. Віцебскі махляр купіў мабільнікаў на суму Br23 млн. за кошт іншых грамадзян, паведаміў карэспандэнту БЕЛТА памочнік пракурора Першамайскага раёна Віцебска Ігар Цывінскі.

23-гадовы жыхар Віцебска, які вызваліўся з месцаў пазбаўлення волі, зрабіў выснову, што рабаваць усё ж такі не добра. Таму, падумаўшы, ён знайшоў спосаб, як прымусіць людзей расстацца з грашыма добраахвотна. Хлопец уваходзіў у давер да малазнаёмых асобаў, якія пакутуюць алкагалізмам і, адпаведна, рэгулярнай нестачай наяўных. За невялікую ўзнагароду ў Br30-80 тыс. і спіртное ён прапаноўваў купіць у растэрміноўку мабільны тэлефон, запэўніваючы, што плаціць за пакупку будуць кліенты, якім ён затым прадасць мабільнікі.

На прывабную прапанову адгукнуліся больш за дзесяць чалавек. Звярнуцца ў міліцыю жыхароў абласнога цэнтра падштурхнулі рахункі за тэлефоны, якія неўзабаве сталі рэгулярна прыходзіць на іх імёны. Злавіць жа махляра дапамагла крадзеж, якую, не здолеўшы адмовіцца ад старых звычак, ён здзейсніў.

За махлярства і крадзеж хлопец асуджаны на чатыры гады пазбаўлення волі з канфіскацыяй маёмасці.-0-