Віцебскі мотарарэмонтны завод узмацняе супрацоўніцтва з расійскімі рэгіёнамі
Віцебскі маторарамонтны завод, найбуйнейшае на поўначы краіны спецыялізаванае прадпрыемства па вытворчасці і рамонце сельгастэхнікі, даўно і плённа супрацоўнічае з расійскімі рэгіёнамі. Салідны партфель заказаў ад аграрыяў Пскоўскай, Смаленскай, Маскоўскай і іншых абласцей сфарміраваны і на будучы год.
Сёння ўсе прадпрыемствы Беларусі і Расіі (як вялікія, так і маленькія) разгарнулі вектары сваіх інтарэсаў, стараюцца намацаць новыя кропкі плённага супрацоўніцтва, яшчэ больш умацаваць дзелавыя вытворчыя сувязі і быць максімальна карыснымі адно аднаму. Гэтаму спрыяюць і перамовы на вышэйшым узроўні кіраўніцтва дзвюх краін. Толькі разам мы можам стаць моцнымі, суверэннымі і незалежнымі эканамічна. Вось і Віцебскі маторарамонтны завод днямі накіраваў шэраг прапаноў аб супрацоўніцтве ў розныя рэгіёны Расійскай Федэрацыі, з якімі раней не меў кропак сутыкнення. Што могуць прапанаваць заводчане партнёрам суседняй дзяржавы?
Віцебскі маторарамонтны завод — найбуйнейшае ў вобласці спецыялізаванае прадпрыемства па вытворчасці і рамонце сельскагаспадарчай тэхнікі. І пакуль палі адпачываюць пад покрывам снегу, тут — самы гарачы час. Намеснік дырэктара завода Аляксандр Панкрацьеў распавядае:
— У цэхах ужо каля 260 рухавікоў, якія патрабуюць рамонту. Агрэгаты для збожжаўборачнай і кармаўборачнай тэхнікі вязуць не толькі з Віцебскай вобласці, але і з іншых рэгіёнаў. Наша задача — адрамантаваць іх якасна і ў тэрмін, для гэтага складзена спецыяльная праграма рамонтаў. Вяртаем у строй як імпартныя (амерыканскія і нямецкія), так і расійскія рухавікі. Ва ўмовах санкцый навучыліся самастойна аднаўляць пашкоджаныя дэталі, што значна паскарае рамонт і змяншае яго кошт. Акрамя рухавікоў у цэхі дастаўлены 36 глебаапрацоўчых і пасяўных агрэгатаў — яны таксама чакаюць сваёй чаргі абнаўлення.
Рамонт тэхнікі — гэта толькі адна з функцый найбуйнейшага прадпрыемства. Яшчэ тут ве
Аляксандр Панкрацьеў адзначае:
— Усе камплектуючыя айчыннай вытворчасці. Нават сістэма электроннага кіравання вырабляецца ў Мінску. І гэта вельмі добра, бо імпартная тэхніка састарэе, зношваецца і ўсё часцей мае патрэбу ў рамонце. Ёй на змену павінны прыходзіць беларускія распрацоўкі — ніякіх праблем з запчасткамі, гарантыйным і паслягарантыйным абслугоўваннем. Таму сёння практычна ўсё, што мы вырабляем, мае статус імпартазамяшчальнай прадукцыі.
Паслугі Віцебскага мотарарамонтнага завода запатрабаваны і ў рас
расійскіх рэгіёнах, з якімі ў віцяблянаў існуюць даўнія сувязі. Курская, Пскоўская, Смаленская вобласці, заказчыкі з Мардовіі — усім ёсць што прапанаваць, а перспектывы развіцця дзелавых адносін з расіянамі шырокія. Ёсць зачын на будучы год, прапрацоўваецца заключэнне шэрагу кантрактаў. Асабліва пільна нашы партнёры прыглядаюцца да навінак глебаапрацоўчай і пасяўной тэхнікі. Плюс у выпадку неабходнасці завод можа ўзяць на сябе і планавы рамонт тэхнікі з прымежных гаспадарак расійскіх рэгіёнаў. Дарэчы, гэтая практыка ўжо адпрацавана: аграрыі Пскоўскай, Смаленскай і Маскоўскай абласцей ужо дастаўляюць у Віцебск рухавікі, якія патрабуюць рамонту.
